Davran Arybjanov 18 jyldan beri densaýlyq saqtaý salasynda eńbek etedi. Davran Tursynqululy qaterli isikke shaldyqqan naýqastarǵa sapaly em jasap, olardyń ómirin uzartý úshin Reseı, Aýstrııa, Germanııa elderinde oqýdan ótip, biliktiligin arttyrǵan. Bilikti maman zamanaýı ádistiń kómegimen 12 jyldan beri qaterli isikke shaldyqqan naýqastardy emdep, oń nátıjelerge qol jetkizýde.
– Biz Qazaqstanda alǵash bolyp tamyr ishilik hımıoterapııa jáne hımıoembolızasııa ádisin engizdik. Bul tásil arqyly qaterli isiktiń tamyryna hımııalyq zattar 100 paıyz jiberiledi. Nátıjesinde qaterli isikti emdeý 20-30 paıyz jaqsarady. Bul aýyr haldegi obyr aýrýyna shaldyqqan naýqastardyń ómirin uzartady. Tamyr ishilik hımıoterapııa jáne hımıoembolızasııa ádisi boıynsha em alý úshin Shymkenttegi onkologııalyq ortalyqqa elimizdiń ózge de oblystarynan naýqastar keledi. Tipti shekara asyp, em izdep keletin azamattar da bar. Mundaı ota túri mı, moıyn, baýyr, uıqy bezi, jatyr moıny, búırek, baýyr isikterine shaldyqqan naýqastarǵa jasalady, – deıdi qalalyq onkologııalyq ortalyqtyń hımıoterapııa jáne endovaskýlıarly onkologııa bóliminiń meńgerýshisi Davranbek Arybjanov.
Búginge deıin Davran Arybjanovtyń jetekshiligimen bes myńnan asa naýqasqa osyndaı operasııa túri jasalǵan. Búginde qalalyq onkologııalyq ortalyqtaǵy bilikti mamanǵa suranys artyp keledi. Elimizdiń ózge óńirlerinen bólek, tipti, Astrahan, Máskeý qalalary men О́zbekstannan naýqastar kelip, em alýda.
