Tártip saqshylarynyń materıaldyq-áleýmettik máseleleri jıi aıtylyp, biraq sheshimin tabýy jaǵynan aqsap kele jatqan jaıt bolatyn. Jýyrda Mańǵystaý polıseıleri zor qýanyshqa keneldi. Bul sala qyzmetkerleri kópten kútken sát bolatyn.
Tártip saqshylarynyń materıaldyq-áleýmettik máseleleri jıi aıtylyp, biraq sheshimin tabýy jaǵynan aqsap kele jatqan jaıt bolatyn. Jýyrda Mańǵystaý polıseıleri zor qýanyshqa keneldi. Bul sala qyzmetkerleri kópten kútken sát bolatyn.
«Egiz qýanysh» degen osy eken, bul kúni mańǵystaýlyq polıseıler úshin arnaıy salynǵan 120 páterli turǵyn úı paıdalanýǵa berilip bir qýantsa, sala kúsh-qýaty 95 qyzmettik kólikpen tolyǵyp eki qýantty.
Aımaq basshysy A.Aıdarbaev, Ishki ister mınıstriniń birinshi orynbasary, polısııa general-maıory M.Demeýov saltanatty sáttiń qyzyǵyn polıseılermen birge bólisti.
Polıseıler úshin alǵash ret arnaıy salynǵan úı – oblystaǵy bul sala qyzmetkerlerine jasalǵan qamqorlyqtyń dáleli. Jańa baspananyń kiltin alǵandar qatarynda kezekke turǵanyna 20 jylǵa tarta ýaqyt bolǵan, osynsha jyldar ishinde páter jaldaý azabyn bastan ótkergen tártip saqshylary da bar eken. Al 95 kólik kilti qoǵamdyq tártipti qatań qadaǵalaý, qylmysty boldyrmaý, bola qalǵan jaǵdaıda izin sýytpaı ashý, qylmyskerdi quryqtaý maqsatynda Ishki ister departamentiniń respýblıkalyq mańyzdaǵy tas jol qaýipsizdigin qamtamasyz etetin ákimshilik polısııasy basqarmasy jol-patrýldik polısııasy rotasyna, aýdandyq, qalalyq ishki ister organdarynyń ýchaskelik polısııa ınspektorlaryna, departamenttiń jáne aýdandyq, qalalyq ishki ister basqarmalarynyń jedel bólinisterine tapsyryldy.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy.
Sýretterdi túsirgen Serik MAIEMEROV.
