Osy aptada Shymkent qalasynda «Memlekettik qyzmetti reformalaý: ishki túıin jáne aımaqtyq BAQ-taǵy kórinisi» atty aımaqtyq semınar ótti. Bul is-shara Eýropa Odaǵynyń «Qazaqstan Úkimeti memlekettik qyzmetin reformalaý jáne modernızasııalaý» Jobasynyń qoldaýymen, Memlekettik qyzmet isteri agenttigi Ońtústik Qazaqstan oblysy boıynsha basqarmasynyń uıymdastyrýymen júzege asty.
Osy aptada Shymkent qalasynda «Memlekettik qyzmetti reformalaý: ishki túıin jáne aımaqtyq BAQ-taǵy kórinisi» atty aımaqtyq semınar ótti. Bul is-shara Eýropa Odaǵynyń «Qazaqstan Úkimeti memlekettik qyzmetin reformalaý jáne modernızasııalaý» Jobasynyń qoldaýymen, Memlekettik qyzmet isteri agenttigi Ońtústik Qazaqstan oblysy boıynsha basqarmasynyń uıymdastyrýymen júzege astyJıynǵa qatysqan Memlekettik qyzmet isteri agenttiginiń tóraǵasy Álıhan Baımenov bul jıynnyń maqsaty memlekettik reformany BAQ ókilderi arqyly jurtshylyqqa keńinen túsindirý qajettigine, mundaı ózgeristerdi halyqtyń pikirine qulaq salmaı júzege asyrý múmkin emes ekenine toqtaldy. Agenttik tóraǵasy kadrlardy irikteý jáne olardy qyzmet babymen ósirýdiń, memlekettik qyzmettegi etıkalyq jáne jemqorlyqqa qarsy baqylaýdy kúsheıtýdiń jańa tetikteri, «A» korpýsyn qurý jáne onyń qyzmeti boıynsha aımaqtyq jýrnalıster jıi qoıatyn saýaldar negizinde jańa memlekettik qyzmet modeliniń negizgi qaǵıdalaryn túsindirdi.
«Reforma – júıeni zamanaýı talapqa beıimdeý. Memleket túgili ár sanaly jeke adam óziniń qarym-qabiletin, iskerlik qasıetterin reformalaý arqyly damyp, ósip otyrady. Sol úshin izdenedi, oqıdy. Máselen, osydan shırek ǵasyr burynǵy jyldarmen salystyrǵanda elimizdiń jastary kóp ózgerdi. «Bolashaq» baǵdarlamasy boıynsha shetelderde bilim alyp kelgen kóptegen jastarymyz óz betterimen izdenip, shaǵyn kásiporyndar ashyp, adamdardy jumyspen qamtýda. Bul qoǵamnyń alǵa jyljyǵanyn kórsetedi. Bizdiń eldiń memlekettik qyzmet isindegi reformalarǵa reseılik saıasatkerler men ǵalymdar qyzyǵýshylyq bildirip jatyr. Biz is júzinde alǵa kettik. Bizdiń qoǵamda bilimdi, bilikti mamandar jetkilikti. Solardy taba bilý kerek, kóre bilý kerek», dedi Álıhan Muhamedııauly.
Agenttik jetekshisi qoǵam, úkimettik emes uıymdar jáne BAQ-pen ózara únqatysý vedomstvo qyzmetindegi basym baǵyt ekenin atap ótti. Agenttiktiń tujyrymdamalyq jáne zańnamalyq bastamalaryn ashyq talqylaý úshin memlekettik qyzmetti jetildirý máseleleri jóninde Sarapshylar keńesi qurylǵan. Sonymen birge, semınar barysynda memlekettik qyzmet sapasyn jaqsartýdaǵy aımaqtyq BAQ ókilderi men jergilikti memlekettik organdardyń ózara yqpaldastyq máseleleri talqylandy.
Oralhan DÁÝIT,
«Egemen Qazaqstan».
Ońtústik Qazaqstan oblysy.
