Qoǵam • 16 Aqpan, 2021

Jolaýshylar poıyzynda qyz bala dúnıege keldi

156 ret kórsetildi

«Saryaǵash-Nur-Sultan» baǵytyndaǵy №85 jolaýshylar poıyzynda qyz bala dúnıege keldi, dep habarlaıdy Egemen.kz

«Jolaýshylar tasymaly» kompanııasy baspasóz qyzmetiniń málimetinshe, 14 aqpanynda poıyz jolaýshysy Anastasııa Grankına «Taraz – Pavlodar» baǵyty boıynsha jolǵa shyqqan. Jol boıynda Kıik-Bosaǵa ýchaskesinde jolaýshy №11 vagonnyń jolserigi Ultýar Ibragımovadan kómek surap, júktiliktiń toǵyzynshy aıynda ekenindigin jáne tolǵaǵy bastalǵandyǵyn habarlady.

«Poıyz brıgadasynyń qyzmetkerleri bosanǵan áıelge alǵashqy kómek kórsetý boıynsha barlyq qajetti sharalardy qabyldady. Jaqyn stansaǵa jedel járdem shaqyryldy. Medısına qyzmetkerleri kelgenge deıin poıyz bastyǵynyń mindetin atqarýshy Aldııar Teńgeshev pen shtab vagonynyń kezekshi jolserigi Zına Kúnisbaeva jolaýshyǵa bosaný kezinde kómek kórsetti. 14.53-te Aqadyr stansasyna jaqyndaǵan shaqta dúnıe esigin ashqan qyz balanyń esimin Ámına dep qoıdy»delingen habarlamada.

Poıyz Aqadyr stansasyna kelgennen keıin jedel járdem qyzmetkerleri jańa týǵan náresteni jáne sol balanyń anasyn qarap shyqty. Balanyń jaǵdaıy qanaǵattanarlyq boldy, anasy aýrýhanaǵa jatqyzýdan bas tartty jáne olar sońǵy stansaǵa deıin jol júrip ketti.

Eske sala ketsek, Kólik polıseıleri poıyzda ketip bara jatqan júkti áıeldiń bosanýyna kómektesti.

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar