Bıýro otyrysynda depýtattar qaraýyna kórneki aqparat máselelerine qatysty zań jobasy birinshi oqylymda usynyldy. Qujat orfografııa normalaryn jane aýdarma teńtúpnusqalyǵyn saqtaý boıynsha talaptardy belgileý arqyly derektemeler men kórneki aqparatty ornalastyrý máseleleri týraly zańnamany odan ápi jetildirýge baǵyttalǵan.
Sonymen qatar aldaǵy jalpy otyrysta Májilis birqatar ratıfıkasııalyq zań jobalaryn qaraıdy. Olar Qazaqstan men Soltústik Makedonııa arasyndaǵy adamdardy ustap berý týraly shartty jáne sottalǵan adamdardy berý týraly sharttardy ratıfıkasııalaý týraly zań jobalary. Bıýro otyrysynda depýtattar ekinshi oqylymda Ákimshilik quqyq buzýshylyq týraly kodekske jáne sot júıesin jańǵyrtý máselelerine túzetý engizý týraly zań jobalaryn qarady.
Sondaı-aq aldaǵy jalpy otyrysta Májilistiń komıtetteri birshama zań jobalaryn jumysqa alady. Atap aıtqanda, daýlardy sottan tys jáne sotqa deıingi retteý ınstıtýttaryn damytý máseleleri, EAEO týraly shartqa Armenııanyń qosylýy týraly hattamany ratıfıkasııalaý, sondaı-aq EAEO týraly shartqa Qyrǵyz Respýblıkasynyń qosylýyna baılanysty birqatar halyqaralyq qujattardy ratıfıkasııalaýǵa qatysty zań jobalary bar.
