Alla Pýgacheva men Maksım Galkınniń arasynda úlken janjal týyp otyr. Bul týraly Utro.ru habarlady.
Prımadonna óziniń jas kúıeýin teris júristeri ústinde ustap alǵanyn, «munyń óz ómirindegi eń sumdyq oqıǵa bolǵanyn» málimdedi. Sondaı-aq «Bigmir» saıtynyń aqpary boıynsha, parodııashy tarapynan mundaı áreketterdiń bastalǵanyna aıtarlyqtaı biraz ýaqyt bolǵan.
Galkın bolǵan oqıǵaǵa baılanysty eshqandaı túsindirme bergen joq. Esesine, Pýgacheva talaı nárseni aıtyp úlgerdi. Mundaı satqyndyqty eshqashan basynan keshpegenin aıtqan Alla Borısovna: «Meni munsha qatty eshkim de jábirlegen joq edi. Men qatty qapa bolyp turmyn. Maǵan tynyshtyq berińizdershi, marhabat!» dedi ol ózine jolyqqan jýrnalısterge.
Budan buryn Galkındi birýlerdiń Sochıde ýkraın modelimen birge júrgenin kórgenderi de jazylǵan. Qaýesetke qaraǵanda, qyz Harkovten kórinedi. Sol kezde Pýgacheva bul derekke túsinikteme berýden bas tartqan edi. Al Galkın bul qyzben aralarynda dostyqtan ózge eshteńe joq ekenin alǵa tartqan. Sodan keıin bul otbasynyń dostary aıtylǵan aqpardy jáı ósek retinde baǵalap qoıa berdi.
Eske sala keteıik, ústimizdegi jyldyń qazan aıynyń basynda Pýgacheva men Galkın egiz balanyń anasy men ákesi atanǵan. Juldyzdy juptyń balalaryn sýrrogat ana týyp berdi. Qazir balalardy Pýgachevanyń ózi baǵyp jatyr. Ol óziniń bos ýaqytynyń bárin Grıaz derevnıasyndaǵy zamogynda balalarymen birge ótkizýde. Al konserttik baǵdarlamalary óte tyǵyz bolýyna baılanysty Maksım Galkın úıge jıi kele almaıtyn kórinedi.
Aıdar О́risbaev.
Derekkóz: Utro.ru
Foto: Rus.tvnet.lv
