Reseı Hokkeı federasııasy prezıdenti Vladıslav Tretıak pen Sochı-2014 uıymdastyrý komıtetiniń basshysy Dmıtrıı Chernyshenko muz aıdynynda oınalatyn shaıbalardy kópshilik nazaryna usyndy. Bul týraly ITAR-TASS habarlady.
Shaıbalardyń tanystyrylymy hokkeıden Reseı – Fınlıandııa quramalary arasynda ótken kezdesýdiń birinshi úzilisi kezinde baspasóz ortalyǵynda ótti.
«Biz shaıbalardy Halyqaralyq hokkeı federasııasynyń barlyq talaptaryna saı daıyndadyq. Eni 2,52 jáne dıametri 7,62 santımetrdi quraǵan shaıbalardyń salmaǵy 170 grammnan aspaıdy», – dedi Dmıtrıı Chernyshenko.
Shaıbalarda Sochı Olımpıadasynyń sımvoly beınelengen. Ol shaıba betiniń 35 paıyzyn jaýyp turady. Bul sýretter hokkeı oıyndary ótkiziletin eki alańǵa arnalyp eki túrli túske boıalǵan. Máselen, «Úlken» muz aıdynynda komandalar kúlgin tústi shaıbamen oınasa, «Shaıba» saraıyndaǵy oıyndarda tek kók tústi shaıbalar qoldanylady. Sondaı-aq sledj-hokkeı oıyndaryna arnalyp, Paralımpıadalyq komıtettiń belgisi salynǵan shaıbalar da daıyndalǵan.
«Shaıba – hokkeı oıynyndaǵy eń mańyzdy bólshekterdiń biri. Hokkeı jankúıerleriniń arasynda olardan kolleksııa jınaıtyndar da kóp kezdesedi. Iri jarystardyń kýágeri bolǵan adamnyń sport merekesiniń bir bólshegin ózinde saqtap qalǵysy keletini túsinikti, – dedi hokkeı federasııasynyń prezıdenti Vladıslav Tretıak. – Nazarlaryńyzǵa usynylyp otyrǵan shaıbalar bizdiń qurama jeńisiniń sımvoly bolyp, trıbýnadaǵy jankúıerlerdiń dástúrli «Shaıbý-shaıbý» degen aıqaılary jıi estilip tursyn deımiz!».
Sochı-2014 uıymdastyrý komıtetiniń baspasóz qyzmeti 22 jeltoqsan kúni www.tickets.sochi2014.com saıty nemese uıaly telefonǵa arnalǵan «Sochı 2014» baǵdarlamasy arqyly áıelder hokkeıine úsh ne odan kóp bılet satyp alǵan alǵashqy 500 adamǵa Olımpıada shaıbasy syıǵa tartylatynyn málimdedi.
Aıdar О́risbaev.
Derekkóz: Itar-tass.com
Foto: Ntv.ru
