Qoǵam • 26 Aqpan, 2021

Elorda ákimi ońaltý ortalyqtaryn keńeıtý týraly aıtty

16 ret kórsetildi

Nur-Sultan qalasynyń ákimi Altaı Kólginov Instagram paraqshasynda el astanasynda kórý qabileti nashar búldirshinderge arnalǵan balabaqsha, erekshe qajettiligi bar azamattardy qamtýdy ulǵaıtýǵa múmkindik beretin birqatar ońaltý ortalyqtary ashylatynyn málim etti, dep habarlaıdy Egemen.kz.

«Osy kóktemde qalada kórý qabileti nashar balalarǵa arnalǵan mamandandyrylǵan balabaqsha ashylady. 90 orynǵa eseptelgen mekeme Saryarqa aýdanynda ornalasqan (Kenesary kóshesi 9/1). Sonymen birge, bıyl erekshe qajettiligi bar azamattardy qamtýdy keńeıtetin birqatar ońaltý ortalyqtaryn ashamyz.

Júıeli negizde múmkindigi shekteýli turǵyndardy ońaltý úshin jaǵdaı jasaý mańyzdy. Máselen, ótken jyly ǵana BSP, aýtızm, Daýn sındromy jáne t.b. dıagnozy bar balalardy ońaltýmen aınalysatyn birqatar iri ońaltý ortalyqtary ashyldy. Máselen, "Asyl Mıras" aýtızm ortalyǵy (Ýálıhanov kóshesi) arqyly aýtıstik spektrdi 50% kóbirek qamtydyq. Bul joba Bolat О́temuratov qorymen birlese júzege asyryldy. Sol úıde ornalasqan taǵy bir ońaltý ortalyǵy BSP, aýtızm dıagnozy jáne basqa da birqatar aýrýlary bar balalarmen aınalysady.

№1 qalalyq balalar aýrýhanasy bazasynda Tuńǵysh Prezıdent Qory men "Samuryq-Qazyna" qoldaýymen ótken jyldyń kúzinde "Qamqorlyq" ońaltý ortalyǵy ashyldy. Bul DSP dıagnozy bar 600-ge jýyq balany jyl saıyn qosymsha tegin medısınalyq kómekpen qamtýǵa múmkindik beredi.

Qala aýdandarynda "úı janyndaǵy dáriger" atty 29 nysan ashyldy. Ippodrom bazasynda balalar ıppoterapııamen aınalysa alatyn jabyq manejdiń qurylysyn júrgizip jatyrmyz. "Jastar" saraıynda erekshe qajettiligi bar adamdar úshin qoljetimdi basseın bolady. Invataksı sany 2 esege artady.

Jańa úılerdiń birinshi qabattarynda "qadamdyq qoljetimdilik" qaǵıdatyna saı balalarǵa arnalǵan shaǵyn ortalyqtar, ońaltý ortalyqtary, balabaqshalar, úıdiń janyndaǵy dáriger jáne t.b. nysandar ashamyz.

Ulttyq qoǵamdyq senim keńesiniń V otyrysynda Prezıdent erekshe qajettiligi bar balalardyń sany ósip kele jatqanyn, olarǵa jan-jaqty keshendi ońaltý qajet ekenin, "alǵashqy medısınalyq-sanıtarlyq kómek uıymdary janyndaǵy áleýmettik qyzmetterdiń jumysyn kúsheıtý qajet" ekenin atap ótti.

Erekshe qajettiligi bar azamattardy ońaltý úshin jaǵdaı jasaý boıynsha jumysty júıeli negizde jalǵastyramyz», - dep jazdy elorda ákimi.

Sońǵy jańalyqtar

Almaty mańynda jer silkindi

Aımaqtar • Keshe

Sý aıaǵy qurdymǵa kete me?

Aımaqtar • Keshe

Kók túrkiniń kózi

Tarıh • Keshe

Tólge toly Taıketken

Ekologııa • Keshe

15 mamyr – Halyqaralyq otbasy kúni

Qoǵam • 15 Mamyr, 2021

Semeıde eki jeńil kólik soqtyǵysyp qaldy

Aımaqtar • 15 Mamyr, 2021

Uqsas jańalyqtar