13-15 naýryz aralyǵynda at qulaǵy kórinbes boranǵa tap bolǵan 63 avtokólikti Tótenshe jaǵdaılar departamentiniń qutqarýshylary súırep shyǵarǵan. Departament qyzmetkerleriniń aıtýynsha, daýyldyq eskertý týraly aldyn ala turǵyndarǵa habarlanǵan. Alaıda, eskertýge qulaq aspaıtyndar az emes. Polısııa beketin aınalyp ótip ketip, jolda turyp qalǵandar da barshylyq. «Shyǵys Qazaqstannyń kún raıy qubylmaly. Kúre joldarda áp-sátte úrlep tastaıtyn ýchaskeler kóp. Sondyqtan uıaly telefonǵa kelgen habarlamalarǵa nemuraıly qarap, saparlap ketýge bolmaıdy» desedi Tótenshe jaǵdaılar departamentiniń mamandary.
Qazirgi ýaqytta Shyǵys Qazaqstan oblysyndaǵy barlyq oblystyq jáne respýblıkalyq mańyzy bar joldar ashyldy.
