Qoǵam • 17 Naýryz, 2021

Bıyl elorda ákimdiginiń halyqty jumyspen qamtý ortalyǵy 400 grant berýdi josparlap otyr

300 ret

kórsetildi

1 mın

oqý úshin

Bıyl granttyń eń joǵarǵy somasy - 583 400 teńge. Jyl basynan beri komıssııa 87 ótinishti qarap, onyń 37-in maquldady. Oǵan jumyssyz adamdar, kásipkerler, sol sııaqty ótinish bergen kezde Qazaqstan Respýblıkasynyń salyq zańnamasyna sáıkes biryńǵaı jıyntyq tólemdi tólegen azamattar memlekettik granttar alýǵa úmitkerler bolyp sanalady. Bul týraly Egemen.kz qala ákimdiginiń resmı saıtyna silteme jasap habarlaıdy.

Marjan TILEÝBEK

Bıyl elorda ákimdiginiń halyqty jumyspen qamtý ortalyǵy 400 grant berýdi josparlap otyr

«Bastaý Bıznes» jobasy boıynsha kásipkerlik negizderine oqytý kýrsynan ótkeni týraly sertıfıkattyń bolýy mindetti shart bolyp sanalady, ony berý merzimi 3 jyldan aspaýy tıis.

Sertıfıkattyń bolýy boıynsha qysqa merzimdi kásiptik oqýdan ótken azamattar, ataýly áleýmettik kómek alýshylar qataryndaǵy áleýmettik az qamtylǵan jáne kópbalaly otbasylardyń músheleri, qonys aýdarýshylar men qandastar aıryqsha quqyqqa ıe bolady.

Memlekettik granttar qarajatyn qajetti eńbek quraldary, tehnologııalyq jabdyqtar, janýarlar, mal, qus, kóshetter, butalar, tuqymdar, kóshetter satyp alý, bıznes-jobany iske asyrý úshin úı-jaılardy jalǵa alýǵa aqy tóleý sekildi maqsatta paıdalanýǵa ruqsat etiledi.

Biraq tutynýshylyq maqsattarǵa, kredıttik qaryzdardy óteýge, jyljymaıtyn turǵyn úı satyp alýǵa jáne salýǵa, jer ýchaskelerin satyp alýǵa, aksızdeletin ónim óndirýge berilmeıdi.