Oqıǵa • 19 Naýryz, 2021

Aýyldaǵylar baspanaly boldy

28 ret kórsetildi

Maı aýdanynyń ákimdigi kópbalaly otbasylardy, jetim balalardy, múmkindigi shekteýli azamattar jáne bıýdjettik uıymdardyń qyzmetkerlerin, taǵy basqa da kezekte turǵan azamattardy turǵyn úımen qamtamasyz etý úshin arnaıy jobany qolǵa aldy.

Aýdan ortalyǵy Kóktóbe aýylynda talaı jyl boıy bos turǵan eski jataqhanany «Jumyspen qamtýdyń jol kartasy-2020» baǵ­darlamasy boıynsha qaıta jóndeý týraly sheshim qabyldanyp, sonyń nátıjesinde kóptegen azamat úıli bolyp otyr.

Páter alǵandardyń qatarynda Ársen Tóleý, Abaı Qadyrbekuly, Ba­ýyrjan Jumadil, Aıajan Beke­nova, Abaı Qanatbekuly, Mak­sım Perstnev, Meıramgúl Jeńis­qyzy sııaqty ata-anasynyń qam­qorlyǵynsyz qalǵan jetkinshekter bar. Aralarynda tur­mys quryp, jańadan úı bolǵandar páterli bol­ǵanyna qýanyshty.

– Búgin − meniń otbasymnyń ómirindegi baqytty kún, – deıdi Mak­sım Perstnev. – Páter kezegin uzaq kúttik, endi óz úıimizde turatyn bolamyz. Aldaǵy ýaqytta qaldyq quny boıynsha jekeshelendire alatynymyz qýantady.

Al Ásııat apaı bolsa, ata-ana qamqorynsyz qalǵan Maksım jáne Alekseı esimdi egiz nemeresin úsh aılyǵynan baýyryna basypty. Uldary qazir 16 jasqa keldi, Maksım aýdan ortalyǵyndaǵy Agrarlyq kol­ledjde fermer mamandyǵynda oqıdy.

Úı kezeginde turyp, páter al­ǵandardyń qatarynda kóp balaly analar Shynar Beısembekqyzy, Saǵaı Kúlzıra, Ásem Harmaan, Ásem Qalaıbekqyzy da bar.

− Osylaı jaǵdaı jasap, eski úılerdi jóndep, turǵyndarǵa páter berse, aýyldan eshkim ketpeıdi ǵoı. Bizden keıingi kezekte turǵan basqa da aýyldastarymyzǵa úı berilse degen tilegimiz bar, − deıdi kóp balaly ana Shynar Beısembekqyzy.

Al páter kiltin alǵan Farıza Maıqybaeva − 12 bala tárbıelep ósirgen batyr ana. Jasy qazir 75-te. Bala-shaǵa, nemereleri ósip ke­­ledi. О́mir boıy aýylda turyp, ot jaǵyp, sý tasyǵan apalarynyń jaı­ly páter alǵanyna bári de qýa­nysh­ty. Shashý shashyp, basqa da qo­nystanýshylardy quttyqtady.

Sonymen qatar V.Ábenova, J.Gross, T.Qusaıynov, A.Qaby­tae­va, F.Maıqybaeva sekildi áleý­mettik jaǵynan az qamtamasyz etil­gen otbasylar jáne memlekettik qyzmetkerler Serik Bashenov, Qanat Ahmetov, Áıgerim Mustahanova da páter kiltin aldy.

– Jalpy, aýdan ortalyǵynda eski jataqhanany qaıta jóndeý jobasy turǵyn úı kezegin azaıtýǵa sep boldy. Eski úılerdi jóndeý úr­disi ári qaraı jalǵasady. Qazir 137 turǵyn kezekte tur. Bıyl aýdan bo­ıynsha 15 tórt páterli úı salý jos­­parlanyp otyr. Jańa turǵyn úı salýǵa bıýdjettik ótinim qaralýda, − deıdi aýdan ákimi Marat Aqtaev.

Al qaıta jóndeýden ótken ja­taqhanadaǵy páterler zaman talabyna saı. Bir, eki jáne úsh bólmeli páterler bar.

 

Pavlodar oblysy

 

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar