Biraq el arasynda hal-qaderinshe terini óńdep, halqynyń qajetin óteýge tyrysyp júrgen sheberler bar, olardyń bastamalaryna qýanyp, yrza bolasyń, ónimi el ıgiligine jarasyn dep tileısiń.
Mańǵystaý oblysy Beıneý aýylynyń turǵyny Ǵalymjan Lepesov sıyr men qoı terisin óńdep, daıyn bolǵan bylǵarydan aıaqkıim tigedi. Ismer bul kásipke bala kezden mashyqtanǵan.
Alǵashynda temirden, aǵashtan ártúrli pishimder ázirleı júrip, turmystyq buıymdar, úı jabdyqtaryn jasaǵan ol búginde etik tigý isin bastady.
– Qazirgi ýaqytta tek erlerge arnalǵan aıaqkıim tigemin. Aldymen tapsyrys berýshiniń ólshemin alyp, daıyn bolý ýaqytyn kelisip alamyn. Keıin kerekti materıaldardy daıyndap, aıaqkıim jasaýǵa kirisemin. Shaǵyn ǵana sehymda arnaıy qurylǵylarym bar. Tutynýshynyń kóńilinen shyǵyp, oıyndaǵydaı etip jasaýǵa bar kúshimdi salamyn. Aldaǵy ýaqytta shaǵyn sehty kásipkerlikti qoldaıtyn memlekettik baǵdarlamalar arqyly odan ári damytyp keńeıtý josparda bar, deıdi Ǵalymjan Lepesov.
Terini óńdeý – sheberlikti qajeti etetin óz aldyna úlken óner, al óńdelgen teriden aıaqkıim tigip shyǵarý has sheberdiń qolynan keletin tirlik. Qıyn jumysty qolyna alǵan jas jigitke sáttilik tileımiz. «Bulaq kórseń, kózin ash» degendeı, quzyrly oryndar sheberdiń aldyna qoıǵan maqsatyna saı memlekettik baǵdarlamalarǵa iligip nesıe alýyna, ózge de qajetti qoldaýlardy kórsetse Beıneýdiń báteńkeleri brendke aınalyp keter naǵyz otandyq ónim, naǵyz bylǵary!
Mańǵystaý oblysy
