Pandemııa bastalǵaly beri kóptegen sala mamandary, qarapaıym azamattar koronavırýs ınfeksııasynyń turaqtanýy úshin bárin jasap jatyr. El Prezıdentiniń tapsyrmasy boıynsha ár salanyń mamandaryn estelik medaldarmen atap ótý týraly sheshim qabyldandy. Marapattaý rásimine dárigerler, pedagogtar, jýrnalıster, qoǵam belsendileri qatysty.
«Memleket basshysy Qasym-Jomart Toqaevtyń atynan «Halyq alǵysy» medalimen marapattalǵandaryńyzben quttyqtaımyn. Pandemııa kezeńinde úlken jumys júrgizildi. Ol áli de jalǵasyp jatyr. Qaýipti ınfeksııamen qazir de kúresip júrmiz. Muǵalimderge, dárigerlerge, jýrnalısterge, qoǵam qaıratkerlerine, belsendilerge, eriktilerge úlken alǵysymdy bildirgim keledi. Olardyń bári qalamyzdyń, elimizdiń ıgiligi úshin jumys istep júr. Sondyqtan biz uıym jetekshilerimen birlesip, sizderdi qurmet belgilerimen marapattaý týraly usynys jasadyq. Qala basshylyǵynyń atynan jumystaryńyzǵa tabys, sáttilik, myqty densaýlyq jáne bastaryńyzǵa amandyq tileımin. Pandemııa bastalǵaly beri eń mańyzdy tilek – densaýlyq bolyp otyr jáne solaı bolyp qala beredi», dep atap ótti Baqtııar Máken quttyqtaý sózinde.
