Búgingi Túrkistan – ata-babalar amanatyna, Alash asyldarynyń amanatyna adaldyqtyń aıqyn aıǵaǵy.
Búgingi Túrkistan – «Bolashaqqa baǵdar: rýhanı jańǵyrý» baǵdarlamasynyń aıryqsha ári naqtyly nátıjesi. Jemisi men jeńisi.
Árıne, Túrkistandy Túrkiler tóri kúıinde tereń túsinbekke taǵylymdaıtyn, ulylyǵyn ujdan unasymdarymen uǵyndyratyn álem – Áziret Sultan álemi. Iаǵnı, Iаsaýı kesenesi. Taıqazan bastaǵan jaýhar jádigerler. Túrkistan shaharynyń túbinde týyp-ósken Temirhan Medetbek:
«Laılasa – qaıta tunar tunyqpyn,
Kómse jerge – ónip shyǵar uryqpyn.
Alyp qazan,
Berik qazan,
Taıqazan – qazany bul, qazany bul Rýhtyń!» - dep jyrlaǵan.
Iá, Túrkitildes memleketter basshylarynyń sammıti onlaın formatynda ótip jatty. Al Túrkistanymyz jyl saıyn, aı saıyn emes, tipti saǵat saıyn ósip-ónip, órkendep-órlep bara jatqandaı kórindi. Ahmet Iаsaýı eskertkishiniń túbinde jastar qyzǵaldaq egip júr. Meniń qurdasym Medetbektiń joǵarydaǵy «Taıqazan» jyryn jatqa aıtady. Áne, taǵy da biri Ulyqbek Esdáýlettiń óleńin oqı bastady:
«Qoınyńda qyrýar hıkmet bilimi jatyr,
Músilimderdiń marhabat ilimi jatyr.
Qasıetiń men kıeńdi moıyndady álem,
Aldyńa kelip, bas ıip, júginip aqyr.
Yntyǵyp nege umtylar saǵan munsha adam,
Qanshama aqyn jyr arnap, qalam jumsaǵan?!
«Ulylyq degen ne?» dese, kórsetem seni,
«Qasıet degen ne?» dese, qaraımyn saǵan!»
- deıdi aqıyq aqyn.
Aı, aınalaıyn, Alash asyldary-aı... Mustafa Shoqaı: «Túrkistan, tutas bol!», Turar Rysqululy: «Túrkitildes, túgel bol!» - demep pe edi?! Sańlaqtardyń sammıti – amanattarǵa adaldyq. Abzaldyq. Túrkistan Deklarasııasy – dálel men dáıektiń bir parasy. Elbasy Qyrǵyzstanda ótken sammıtte Túrkistanǵa, Ahmet Iаsaýıge erekshe nazar jyqqan. Keshegi keleli jıynda da kemel oılaryn ortaǵa saldy. Qazaqstan Prezıdenti Qasym-Jomart Toqaev Túrkistan shahary men Iаsaýı máselesin tý etip kóterýdi mánistedi.
Izgilik ilimderin, adamdyq qadir-qasıet haqyndaǵy hıkmetterin husnı hattardaıyn qunarlandyryp, túrki tilinde taǵylymdap, qaıtkende túrki jurtynyń kózin ashamyn, kóńilin kórkeıtemin, kókiregin oıatamyn dep, uıqy-kúlki kórmegen kóregenimiz – Ahmet atamyzdyń arýaǵy rıza bolǵaı.
Túrkistan túrlene túser. Indetter de shegindi. Bul úshin de birlik pen yntymaq, yrysty eńbek, joǵary jaýapkershilik kerek.
Túrkiler tóri – Túrkistan túleı berer. Túrkitildes memleketter basshylary – baýyrlarymyz talaı keler. «Qosh keldińizder!» dermiz. Basshylar ǵana emes, túrkitildes barsha týystar, basqa da týrıster sátti saparlar sheger. Alla aldan jarylqaǵaı!
Marhabat BAIǴUT,
Jazýshy, Qazaqstannyń eńbek sińirgen qaıratkeri,
Halyqaralyq «Alash» jáne «Túrki álemine qyzmet» syılyqtarynyń laýreaty
