Elorda • 11 Sáýir, 2021

Elorda ákimi azamattardy qabyldady

3 ret kórsetildi

Nur-Sultan qalasynyń ákimi Instagram paraqshasynda azamattardy qabyldaǵanyn aıta otyryp, olardyń suraýymen turǵyn úı máselesi qalaı sheshilip jatqanyn túsindirip ótti, dep habarlaıdy Egemen.kz

«Ár aptanyń sońynda azamattardy qabyldaımyz. Bir kún buryn onlaın rejımde 10 turǵyndardy qabyldadym. Kóterilgen máseleler ártúrli.

Mysaly, Baıqońyr aýdanynda (Kúltegin tuıyq kóshesi) úılerdiń janynda joǵary voltty elektr taratý jelileri ótedi. Azamattardy qabyldaý kezinde bul máseleni aýdan turǵyndary kóterdi. Bul máseleni sheshemiz.

Suraqtardyń basym bóligi turǵyn úı máselesine qatysty. Jeńildikpen beriletin áleýmettik turǵyn úı salýmen qatar, qurylysy uzaqqa sozylǵan nysandardy aıaqtap, turǵyn úılerdi jóndep, apatty jaǵdaıdaǵy úılerdi súrip jatyrmyz.

Byltyr 50-den astam kóppáterli turǵyn úı kesheni jóndeldi. Sońǵy eki jylda 400-den astam otbasy apatty jaǵdaıdaǵy eski úılerden kóshirildi.

Bıyl 200-den astam otbasyny kóshirip, olarǵa jaıly, eń bastysy ómir súrý úshin qaýipsiz jaǵdaı jasaýdy josparlap otyrmyz. Sondaı-aq qoldanystaǵy turǵyn úı keshenderin jóndeýdi jalǵastyramyz. О́kinishke qaraı, olarda kóptegen problemalar bar. Olardyń arasynda jańadan salynǵan úıler de bar.

Turǵyn úı máseleleri boıynsha birneshe ınstansııaǵa barmaý úshin qala turǵyndarynyń ótinishi boıynsha 2020 jyldyń kúzinde turǵyn úı salasynda qyzmet kórsetetin biryńǵaı ortalyq ashyldy (Respýblıka dańǵyly, 32). Onda turǵyn úı kezeginiń nómiri, kezekke qalaı turý kerektigi, turǵyn úı baǵdarlamalarynyń iske asyrylý barysy jáne t. b. týraly bilýge bolady.

Prezıdenttiń «Halyq únine qulaq asatyn memleket» tujyrymdamasynyń is júzinde jumys isteýi óte mańyzdy», dep jazdy qala ákimi.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar