Tarıh • 13 Sáýir, 2021

Botaı mádenıetine arnalǵan eskertkish jasaýǵa baıqaý jarııalandy

19 ret kórsetildi

Petropavlda Botaı mádenıetine arnalǵan músindik kompozısııa boı kótermek. Úzdik avtordy anyqtaý maqsatynda respýblıkalyq baıqaý jarııalandy. Ol 1 sáýir men 5 mamyr aralyǵynda ótedi, dep habarlaıdy Egemen.kz QazAqparatqa silteme jasap.

18 sáýir – halyqaralyq eskertkishter men tarıhı oryndar kúni. Osyǵan oraı SQO-da eskertkishter aptalyǵy bastaldy. Osylaısha ár kúnge is-shara josparlanǵan. Olar túrli kórmeler, onlaın kezdesýler, kitaptardyń tusaýkeseri jáne eskertkishterdiń birinde senbilik uıymdastyrylmaq. Sondaı-aq Taraz qalasyna oqýshylarmen, stýdenttermen onlaın ekskýrsııa josparlanǵan.

Jalpy qazir SQO-da 597 tarıhı-mádenı eskertkish bar. Olardyń 8-iniń respýblıkalyq mańyzy bar. 33 nysan Soltústik Qazaqstannyń sakraldy kartasyna engen. Olardyń 8-iniń jalpyulttyq mańyzy bar.

«Byltyr osy kartaǵa kiretin Meńgeser kóliniń mańy abattandyryldy. Abylaıhannyń rezıdensııasy jóndeldi. Budan basqa ortalyq «Sakraldy Qazaqstan» kitabynyń 4-tomyn ázirlep, jaryqqa shyǵardy. Oǵan SQO, Pavlodar, Shyǵys Qazaqstan oblystary endi. Kitaptyń tusaýkeseri aptalyq aıasynda ótedi.

О́tken jyly oblysta úsh nysan qalpyna keltirildi. Olar Abylaıhan rezıdensııasy, qalalyq mádenıet úıi, Sábıt Muqanovtyń mýzeı-úıi. Osy maqsatqa 65 mln teńge jumsaldy. Al kópes Shamsýtdınovtyń úıi kásipkerdiń óz qarajatyna áli jóndelip jatyr», deıdi SQO tarıhı murany qorǵaý jáne paıdalaný ortalyǵynyń dırektory Rahat Mámbetalınov.

Aptalyq Petropavldaǵy beıneleý óneri murajaıynda uıymdastyrylǵan kórmemen bastaldy. Bul jerde memleket qorǵaýyna alynǵan, Sakraldy Qazaqstanǵa engen nysandarmen tanysýǵa bolady. Sondaı-aq 20 ǵasyrdyń basynda shyǵarylǵan poshta ashyqhattary nazarǵa usynylǵan. Qyzyqty jádigerlerdiń biri - tarıhı eskertkishterdiń tabylǵan bólshekteri – esik tutqalary, topsa, pesh qaqpaqtary, t.b. zattar.

Rahat Mámbetalınovtyń aıtýynsha, byltyr Ýálıhanov aýdanyndaǵy Qyzyl Oba qonysyna arheologııalyq zertteý júrgizildi. Bes adamnyń súıegi tabylyp, negizgi qorym ashyldy. 1337 jylǵy 4 kúmis moneta, aına qazyp alyndy. Bıyl bul jumystar jalǵasyn tabady.

Bıyl Botaı mádenıetine arnalǵan músindik kompozısııany jasaýǵa arnalǵan respýblıkalyq baıqaý jarııalandy. Oǵan kez-kelgen adam, músinshi, sáýletshi qatysa alady.

«Ol 1 sáýir men 5 mamyr aralyǵynda ótedi. Osy aralyqta eskızderin, konstrýksııalaryn usynýǵa bolady. Baıqaýdyń qorytyndysy boıynsha memlekettik komıssııa sheshim qabyldap, jeńimpaz óz jobasyn júzege asyrýǵa múmkindik alady. Bul eskertkish Petropavl qalasynda oryn tebedi», deıdi ortalyq jetekshisi.

 

Sońǵy jańalyqtar

Qıly-qıly taǵdyrlar

Tarıh • Keshe

Tozaqtan ótse de túńilmegen

Rýhanııat • Keshe

Radıst qazaq qyzdary

Tarıh • Keshe

Qarsy barlaýshylar qaharmandyǵy

Rýhanııat • Keshe

Maıdangerdiń ónegeli joly

Rýhanııat • Keshe

Turlaýy qıyn taǵdyrlar

Tarıh • Keshe

Bar úmitimiz Almat Kebisbaevta

Sport • 08 Mamyr, 2021

Bir shańyraqtan – úsh maıdanger

Rýhanııat • 08 Mamyr, 2021

Jetpis jeti jyldan keıin kelgen marapat

Aımaqtar • 08 Mamyr, 2021

Taraz qalasynda 20 soǵys ardageri bar

Aımaqtar • 08 Mamyr, 2021

Qazaqstannyń 7 óńiri «qyzyl aımaqta» tur

Koronavırýs • 08 Mamyr, 2021

Qazaq degenimiz – Baýyrjan...

Rýhanııat • 08 Mamyr, 2021

505-shi túrmeniń tutqyndary

Tarıh • 08 Mamyr, 2021

Áskerı ınjenerler ustahanasy

Oqıǵa • 07 Mamyr, 2021

Boryshymdy abyroımen ótesem deımin

Rýhanııat • 07 Mamyr, 2021

Ardagerler azaıyp bara jatyr...

Qazaqstan • 07 Mamyr, 2021

Uqsas jańalyqtar