Qoǵam • 15 Sáýir, 2021

Elordanyń paralımpıadalyq ortalyǵy aıyna qansha adam qabyldaıdy?

5 ret kórsetildi

Elordanyń paralımpıadalyq jattyǵý ortalyǵy aıyna 3,5 myńǵa jýyq adam qabyldaıdy, dep habarlaıdy Egemen.kz

Nur-Sultanda múmkindigi shekteýli jandarǵa arnalǵan mamandandyrylǵan paralımpıadalyq jattyǵý ortalyǵy jumys isteıdi. Qazirgi ýaqytta ol jerde sporttyń 17 túri boıynsha jattyǵýlar ótkiziledi, dep habarlaıdy qala ákimdiginiń resmı saıty.

«Halyqaralyq deńgeıdegi mamandandyrylǵan paralımpıadalyq jattyǵý ortalyǵy 2018 jyly ashyldy. Búgingi tańda bizde sporttyń 17 túri damyǵan. Olardyń bári erekshe fızıkalyq qajettilikteri bar adamdar úshin aqysyz júrgiziledi. Bizdiń ortalyqqa kún saıyn 150-ge jýyq adam keledi. Munda 3 negizgi zal bar – jattyǵý, oıyn jáne jekpe-jek zaly. Sondaı-aq, kelýshilerge saýna jáne massaj qyzmetteri qarastyrylǵan. Ortalyq usynatyn barlyq qyzmet erekshe fızıkalyq qajettilikteri bar adamdar úshin tegin kórsetiledi», dedi "Kaspıı" sportty damytý qorynyń atqarýshy dırektory Abdýsaıd Nazarov.

Ortalyqta ústel tennısi, para dzıýdo, para karate, para taekvondo, ıoga, shahmat, doıby, toǵyzqumalaq, bochcha, golbol, para badmınton, otyryp oınaý voleıboly, darts, para paýerlıftıng, para cherlıdıng, para grepplıng jáne para armrestlıng sııaqty sport túrleri boıynsha jattyǵýlar ótkiziledi.

Ǵımarattyń jalpy aýdany 4 682,70 sh.m. Qazirgi ýaqytta ortalyq aıyna 3 400-den astam adamdy qabyldaıdy.

«Men ortalyqqa 2018 jyly ashylǵannan beri kelip júrmin. Bul biz úshin, ıaǵnı múmkindigi shekteýli jandar úshin óte yńǵaıly. Munda barlyǵy qarastyrylǵan, kıim sheshetin bólmeler keń, sol sııaqty jýynatyn bólmeleri de qarastyrylǵan. Osyndaı ortalyq ashqanyna alǵysym sheksiz», dep atap ótti ortalyqqa kelýshi Asqarbek Bólegenov.

Paralımpıadalyq jattyǵý ortalyǵynyń jumysy týraly qosymsha aqparatty 790-444 telefon nómiri arqyly alýǵa bolady.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar