Rýhanııat • 21 Sáýir, 2021

Sortóbeniń baǵy eselenip keledi

34 ret kórsetildi

Búgingi tańda Qordaı aýdanynyń Sortóbe aýylynda 24 myń halyq turady. Jergilikti halyqty negizinen dúngen ultynyń ókilderi quraıdy, dep habarlaıdy Egemen.kz

Qazirgi kezde aýyldyń birligi jarasyp, yntymaǵy artyp keledi. Ásirese, dúngen ultynyń ókilderi qazaq tilin úırenýde belsendilik tanytýda. Aýyldaǵy «Dostyq» balabaqshasynda búginde 27 bala tárbıelenip jatyr.

Balabaqsha meńgerýshisi Hedjer Idybonyń aıtýynsha, balalar qazaq tilin úırenýge qushtar eken. Bul maqsatta tıisti jumystar júrgizilip keledi. Sondaı-aq aýyl turǵyny Ledjeı Syrov ta aýyldaǵy ahýaldyń turaqty ekenin aıtady.

О́tken jyly Sortóbe aýylynan «Imamdar úıi» ashylǵan bolatyn. Atalǵan ortalyq aýyldyqtardyń túrli suraqtaryna jaýap berip, ıslam, ıman turǵysynda dáris ótip keledi.

Búgin munda keleli rýhanı basqosý ótip, Sortóbe aýylyna arnaıy kelgen Almaty qalasy, «Baıken» meshitiniń naıb ımamy Nurbolat Dúısebaev kópshiliktiń suraqtaryna jaýap berdi. Sonymen qatar Qazaqstan musylmandary dinı basqarmasynyń Jambyl oblysy boıynsha ókil ımamy Beıbit Myrzageldıev te suhbat berdi.

«Búginde Qordaı aýdanyndaǵy 62 meshitte 91 dinı qyzmetker jumys isteıdi. Onyń ishinde 30 qazaq, 59 dúngen ultynyń ókili bar. «Otandy súıý – ımannan» demekshi, bul ortalyq halyqty týra jolǵa shaqyratyn jer. Sondaı-aq jergilikti ımamdar da qazaq tilinde ýaǵyz aıtýǵa daıyndalyp jatyr», deıdi Beıbit Myrzageldıev.

 

Jambyl oblysy,
Qordaı aýdany.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar