Zamanaýı jáne sıfrlyq tehnologııalar qoldanylatyn nysan paıdalanýǵa berilgennen keıin, ol álemdegi mys konsentratyn óndiretin iri kásiporyndardyń qataryna qosylýǵa múmkindik alady. Jobaǵa 1,2 mıllıard AQSh dollary kóleminde ınvestısııa salynady. Munda qosymsha 1200 jańa jumys orny ashylady.
Prezıdent kombınattyń qurylysyn aıaqtap, Táýelsizdik kúni qarsańynda iske qosýdy tapsyrdy. Oleg Novachýk kompanııa qyzmetkerleri Memleket basshysynyń tapsyrmasyn barynsha qysqa merzimde oryndap, josparǵa sáıkes ónim óndire bastaıtynyn aıtty.
Qasym-Jomart Toqaevqa jumysshylarǵa jasalyp jatqan jaǵdaı jaıynda, atap aıtqanda, olardy baspanamen, azyq-túlikpen qamtamasyz etý, bos ýaqyttaryn tıimdi ótkizýdi uıymdastyrý týraly baıandaldy.
