Aımaqtar • 01 Maýsym, 2021

Almatyǵa qytaılyq vaksınanyń alǵashqy partııasy keldi

50 ret kórsetildi

Qytaılyq «CoronaVac» vaksınasynyń 500 myń dozalyq alǵashqy partııasy Beıjińnen Almatyǵa ákelindi, dep habarlaıdy Egemen.kz.

Preperatty qytaılyq Sinovac Biotech Ltd bıofarmasevtıka kompanııasy óndirgen. Ol arnaıy bortpen jetkizildi.

Bul – aldaǵy kúnderi QR azamattaryna koronavırýs ınfeksııasyna qarsy vaksınasııa úshin qoldanylatyn tórtinshi preparat bolmaq.

«Biz eki eldiń ýaǵdalastyǵy arqasynda baǵa jetpes júk aldyq. Bul vaksına Qazaqstandaǵy jaǵdaıdy turaqtandyrýǵa jáne odan ári jaqsartýǵa qyzmet etedi. Preparat erteń Almatynyń egý pýnktilerinde qoljetimdi bolady jáne ujymdyq ımmýnıtetti qalyptastyrýǵa kómektesedi. Búginde Almatyda 300 myńnan astam adamǵa ekpe salyndy. Biz qala turǵyndaryn óziniń jáne jaqyndarynyń densaýlyǵyna baıypty qaraýǵa shaqyramyz, vaksına – búginde koronavırýs ınfeksııasynyń aldyn alýdyń eń tıimdi quraly»,  dedi qalanyń bas sanıtar dárigeri Jandarbek Bekshın.

CoronaVac vaksınasyn Qazaqstan aýmaǵynda qoldanýǵa QR Densaýlyq saqtaý mınıstrligi maquldady jáne elde qoldanylyp júrgen QazVac, «Spýtnık V» jáne Hayat Vax vaksınalarynyń tizbesin tolyqtyrady.

Sonymen qatar QR SIM Almaty qalasyndaǵy ókildiginiń basshysy Asqar Shoqybaev QHR-dan CoronaVac vaksınasyn jetkizý týraly ýaǵdalastyqty iske asyrý COVID-19 pandemııasyna birlesip qarsy turýda qytaılyq áriptestermen bastalǵan yntymaqtastyqty tabysty jalǵastyrýdyń mysaly retinde qarastyrylatynyn aıtty.

Habarlanǵandaı, kelip túsken vaksına partııasy qoldanystaǵy qazaqstandyq jáne reseılik vaksınalarmen qatar elimizdiń barlyq egý pýnktilerinde qoljetimdi bolady.

Sońǵy jańalyqtar

Ulttyq bolmysty bederlegen

Qoǵam • Keshe

Esimnen ketpes eki etıýd

Rýhanııat • Keshe

Besinshi element

О́ner • Keshe

Aqadyrdyń aqjoltaıy

Sport • Keshe

Qara qazanda qasıet bar

О́ner • Keshe

Uqsas jańalyqtar