Kezdesýge Nursultan Nazarbaev Qorynyń dırektory, Qazaqstan áıelderi kúshteri alıansy qamqorshylyq keńesiniń tóraǵasy Darıǵa Nazarbaeva qatysty.
Basqosý barysynda aýyl ákimderin saılaýda belsendi áıelderdi qoldaýdyń qajettigi men kadrlyq rezervti jasaqtaý, úmitkerlerge onlaın trenıngter ótkizý jáne basqa da máseleler qaraldy.
Alıans músheleri turmystaǵy zorlyq-zombylyqtyń aldyn alý jaıyn da umyt qaldyrmady. Otyrys qorytyndysy boıynsha daǵdarys ortalyqtarynyń jumysyn jetildirý boıynsha usynystar ázirlendi. Túıini tolyq tarqatylmaǵan túıtkildi talqylaý úshin barlyq úkimettik emes uıym men ortalyqty bir jerge jınaý ıdeıasy usynyldy.
Qamqorshylyq keńestiń otyrysynan keıin «Zań shyǵarýshy organdardaǵy áıel depýtattardyń áleýmettik mańyzdy máselelerdi sheshýdegi róli» taqyrybynda Qazaqstan áıelderi kúshteri alıansy onlaın konferensııa ótkizdi. Oǵan Parlament Senaty men Májilisiniń jáne barlyq deńgeıdegi máslıhattardyń 230-dan astam áıel-depýtat qatysty. Is-shara barysynda bılik organdarynda jáne basshylyq qyzmetterde áıel adamdardyń sanyn kóbeıtý jónindegi tapsyrmany iske asyrýǵa erekshe mán berildi. Bul rette saıası partııa tiziminde áıelder úlesi 30 paıyzdan kem bolmaýy tıistigi jóninde byltyr qabyldanǵan kvota bıylǵy Májilis pen máslıhattar saılaýynda eskerilip, oń nátıje bergeni atap ótildi.
Nursultan Nazarbaev Qorynyń dırektory, Parlament Májilisiniń depýtaty Darıǵa Nazarbaeva áıelderdi áleýmettik ahýalǵa belsendi túrde aralastyrýmen qatar, olardyń máselesin sheshýdiń de mańyzdy ekenin basa aıtty. «Bizdiń basty maqsatymyz – ómir súrý sapasyn arttyrýǵa barlyq kúsh-jigerdi baǵyttaı otyra, judyryqtaı jumylyp jumys isteý. Koronavırýs pandemııasy qoǵamnyń kóptegen áleýmettik máselesin ýshyqtyrdy, ásirese áıelder quqyǵynyń buzylýyna, turmystaǵy zorlyq-zombylyqtyń órshýine ákeldi. О́kinishke qaraı, áıelderdiń deni buǵan tózip, moıynsunyp keledi», dedi Darıǵa Nazarbaeva.
Depýtat Májiliste áleýmettik jáne shaǵyn bıznesti damytýǵa jańa múmkindik berip, ár otbasy nápaqasyn aıyrýǵa bolatyndaı áleýmettik kásipkerlik týraly zań jobasy qaralyp jatqanyn jetkizdi. «Osy zań jobasy qabyldanǵan soń, halyqpen tikeleı jumys isteıtin oblystyq, qalalyq jáne aýdandyq máslıhattardyń depýtattary ony óńir turǵyndaryna túsindirýi tıis», dedi D.Nazarbaeva.
Jıynda balalardy jan-jaqty damytý máselesi de sóz boldy. Konferensııaǵa qatysýshylar óskeleń urpaqqa udaıy jańa jaǵdaı jasaý, mektepke deıingi mekemelerdegi jáne mekteptegi balalardyń tamaqtaný sapasyn arttyrý qajet degen toqtamǵa keldi.
D.Nazarbaeva Qazaqstan áıelderi kúshteri alıansy belsendi áıelderdiń basyn qosatyn, áleýmettik jobalardy iske asyrýda únemi pikir alysyp, tájirıbe almasýǵa múmkindik beretin alańǵa aınalýy kerek degen oıyn ortaǵa saldy.
