Konkýrstyń maqsaty – qazaqstandyq memlekettiliktiń negizi retindegi Elbasynyń ıdeıalary men bastamalaryn kópshilikke taratý, halyqaralyq keńistikte elimizdiń Táýelsizdik jyldaryndaǵy jetistikterin aqparattyq-ımıdjdik ilgeriletý, baspa jáne elektrondyq BAQ qyzmetkerleriniń ózin-ózi shyǵarmashylyq turǵydan damytýy men kásibı ósýi úshin moraldyq jáne materıaldyq yntalandyrý, halyqaralyq jýrnalıster qaýymdastyǵynda keleshegi bar jańa esimderdi anyqtaý.
Konkýrs bes nomınasııa boıynsha ótkiziledi:
«Úzdik teledıdar materıaly»;
«Úzdik radıomaterıal»;
«Gazetter men jýrnaldardaǵy úzdik maqala»;
«Ǵalamtordaǵy úzdik jarııalanym»;
«Sheteldik BAQ-taǵy úzdik jarııalanym».
Konkýrsqa kásipqoı jýrnalıster jeke jáne ujymdyq negizde de qatysa alady.
Konkýrsqa 2020 jylǵy 10 qazan men 2021 jylǵy 10 qazan (qosa alǵanda) aralyǵynda resmı jaryqqa shyqqan (jarııalanǵan, efırge shyǵarylǵan, ǵalamtorda ornalastyrylǵan) biregeı avtorlyq materıaldar qabyldanady.
Konkýrstyń qorytyndysyn quramyna belgili jýrnalıster, Qazaqstannyń kórnekti memleket jáne qoǵam qaıratkerleri engen konkýrs komıssııasy shyǵarady. Jeńimpazdardy marapattaýdyń saltanatty rásimi Táýelsizdik kúni qarsańynda ótkiziledi.
Konkýrsqa qatysýǵa ótinimder 2021 jylǵy 20 qazanǵa deıin (qosa alǵanda) kelý tártibimen nemese poshta arqyly myna mekenjaıda: Z05S5X1, Qazaqstan Respýblıkasy, Nur-Sultan qalasy, Á.Bókeıhan kóshesi, 1A, 343 kab., «Qazaqstan Táýelsizdigi jáne Elbasy» konkýrsyna» degen belgimen nemese presidentlibrary.pr.kz@gmail.com elektrondy poshtasy arqyly qabyldanady. Baılanys tel.: (7172) 69-30-56, 69-30-57, 69-30-53, 693059).
Konkýrsty ótkizýdiń sharttary men ýaqyty týraly barlyq aqparatpen www.presidentlibrary.kz jáne www.fnn.kz saıttary arqyly tanysýǵa bolady.
