Osyǵan oraı, Shymkent qalasy mádenıet, tilderdi damytý jáne arhıvter basqarmasynyń uıymdastyrýymen 15-20 maýsym aralyǵynda 52 merekelik is-sharany ótkizý josparlandy.
Barlyq is-shara ashyq aspan astynda ótedi. Shymkenttikter men qonaqtar úshin qala ortalyǵyndaǵy saıabaqtarda kitap kórmesi, teatrlarda tegin qoıylymdar, jańarǵan, kúrdeli jóndeýden ótken zamanaýı kitaphanalardyń ashylý saltanaty, ashyq aspan astyndaǵy túrli oıyn-saýyq keshteri bolady.
Aıta ketý kerek, teatr, mádenıet saraıyndaǵy merekelik qoıylymdarǵa kelgen kórermender Ashyq qosymshasy arqyly tekserilip, ara qashyqtyqty saqtaı otyryp tamashalaıdy. Sonymen birge is-sharalardy tamashalaýshylar antıseptık qoldanyp, betperde taǵýy mindetti.
Merekelik is-sharalardyń alǵashqysy búgin Ál-Farabı qalalyq ǵylymı-ámbebap kitaphanasynda ótti. Jazýshy, shejireshi Mombek Ábdiákimulynyń «Shymkent qalasynyń tarıhy» atty jańa kitabynyń tusaýy kesildi.
