Godýnova atap ótkendeı, barlyq memlekettik aýdıt organdary anyqtaǵan tıimsiz jumsalǵan qarajat kólemi shamamen 570 mlrd teńgeni qurady.
«Árbir teńge mańyzdy kezde bul bassyzdyq bolyp tabylady. Sol sebepti, biz ótken jyly bastaǵan memlekettik resýrstardy tıimsiz paıdalanǵany úshin laýazymdy tulǵalardyń jaýapkershiligin kúsheıtý jónindegi jumysty jalǵastyrý óte mańyzdy dep sanaımyz. ÁQBtK-ge tek eki anyqtama engizildi. Jańa norma jumysynyń nátıjeleri boıynsha taǵy úsh anyqtamany qarastyrý týraly sheshim qabyldandy», dep atap ótti Godýnova.
Onyń aıtýynsha, 2021 jyldyń basynan beri 11 sheneýnik jazalandy.
«Bul norma ońdy-soldy paıdalanylady dep qoryqqan edik, joq, olaı emes, qorqatyn túgi joq. Biraq bul - jaqsy profılaktıkalyq shara, tejeý sıpatyna ıe. О́kinishke qaraı, ol zańbuzýshylyqtyń tar sheńberinde qoldanylýda», dep qorytyndylady esep komıtetiniń basshysy.
Botagóz AMALBEK
