Alkogol ónimderin qoldan jasaýdyń saldary memleketke ekonomıkalyq zııan keltirip qana qoımaı, adam densaýlyǵyna eleýli qaýip tóndiredi.
Kontrafaktilik alkogoldi ishý múgedektikke, keıde búkil álem boıynsha júzdegen myń adamnyń ólimine ákeledi.
Shymkent qalasy boıynsha Ekonomıkalyq tergep-tekserý departamentiniń qyzmetkerleri jedel-tergeý sharalarynyń nátıjesinde sýrrogat alkogol ónimin óndiretin 4 astyrtyn seh qyzmetiniń jolyn kesti.
Tekserý barysynda 19 myń bótelke túrli markaly alkogol ónimi, 75 lıtr spırt, 13,4 tonna spırti bar suıyqtyq, 5 myńnan astam jáne 1 orama esepke alý-baqylaý markalary tabylyp, tárkilendi.
Sondaı-aq kontrafaktilik ónimderdi quıýǵa arnalǵan túrli jabdyqtar tárkilendi.
Shymkent qalasy boıynsha Memlekettik kirister departamentiniń qorytyndysyna sáıkes 4 astyrtyn sehtyń uıymdastyrýshylary memleketke 9 mln teńgege jýyq shyǵyn keltirgen.
Úsh fakti boıynsha QR Qylmystyq kodeksiniń 233-babynyń 2-bóligi boıynsha tergeý amaldary júrgizilýde, bir fakti boıynsha kúdikti kinásin tolyǵymen moıyndap, zalaldyń ornyn toltyrdy.
