Kezdesý barysynda Qazaqstan Prezıdentine kompanııanyń sport, bilim berý jáne ekologııa salalaryndaǵy iske asyrylyp jatqan jobalary tanystyrylyp, holdıngtiń pandemııaǵa qarsy kúreske qosqan úlesi týraly baıandaldy.
Atap aıtqanda Berik Qanıev Qasym-Jomart Toqaevqa balalar men jasóspirimder fýtbolyna jan-jaqty qoldaý kórsetý, jattyǵý ortalyqtarynyń ınfraqurylymyn jaqsartý jáne bapkerler quramynyń biliktiligin arttyrý maqsatynda qurylǵan «Jas Qyran» fýtbol lıgasynyń jetistikteri týraly aıtty.
Memleket basshysyna Qazaqstandaǵy ınnovasııalyq jekemenshik mektepter jelisi – «Quantum STEM Schools» jobasynyń júzege asyrylýy jóninde málimet berildi. Atalǵan oqý orny Sıngapýr men AQSh elderiniń ozyq tájirıbesi negizinde bilim berýdi kózdeıdi.
Qasym-Jomart Toqaevqa Almaty qalasynyń ekologııasyn jaqsartý maqsatymen qurylǵan «AirVision.kz» qoǵamdyq qorynyń jumysy tanystyryldy. Kezdesý sońynda Prezıdent «Jas Qyran» fýtbol akademııasy buqaralyq balalar sportyn, sonyń ishinde, fýtboldy damytýda úlgi-ónege kórsetip otyrǵanyn atap ótti.
Memleket basshysy osy mańyzdy bastamanyń sátti iske asýyna tilektestik bildirip, «Lancaster Group Kazakhstan» kompanııasynyń áleýmettik mańyzy bar jobalardy iske asyrýǵa qosqan úlesine oń baǵa berdi.
