Sýretterdi túsirgen avtor
– «Batyrs Battle» elimizdiń tórt qalasynda – О́skemende, Aqtóbede, Túrkistanda jáne Nur-Sultanda ótedi. Kúni keshe Shyǵystyń bas shaharynda jarys alaýy jaǵyldy. Sátin salsa, Qajymuqan, Balýan Sholaq aınalysqan jattyǵýdy halyq arasynda nasıhattaǵymyz keledi. Babalarymyzdyń bilek kúshterin búgingi urpaq sezinsi eken, – dep óz oıymen bólisti Mádenıet jáne sport mınıstrliginiń ambassadory Sergeı Syrýlnıkov.
Elimizde buryn-sońdy uıymdastyrylmaǵan erekshe jobaǵa qatysamyz dep kelgen jigitter de tepse temir úzerdeı eken. Olardyń ishinde Halyqaralyq dárejedegi sport sheberleri de boldy.
Deıturǵanmen, Qajymuqan aınalysqan sport olar úshin ońaıǵa soqpady. Ár túrli salmaqtaǵy qaptardy, zildeı tasty kóterdi. Jýan temirdi maıystyryp kórdi. Bilektegi bulshyq etteri oınap turǵanymen, qap kótere alamaı san soǵyp júrgenderdi de kórdik.
Suńǵaq boı, keń ıyq bolǵanymen, beldesýde álsizdik tanytqandar da júrdi.
Ár bólimniń arasynda Qajymuqannyń balýandyǵyn nasıhattap júrgen Sergeı Syrýlnıkov te temir ılep, taqtaıǵa shege qaǵyp, óz ónerin ortaǵa saldy. Sergeıdeı uldyń batyr babamyzdy nasıhattap júrgenine kópshilik kórermen shyn rızashylyǵyn bildirdi.
Jarys arasynda kórermender de bilek kúshterin synap kórdi. Biraq, 24 kelilik qylyshty tik turyp kóterýge árkimniń shamasy jete bermedi.
Balýandar Qajymuqan babalaryndaı aýyr taspen de alysty.
Sonymen, «Batyrs Battle» saıysynda kúsh synasqan Maksım Osıpov, Aleksandr Nıkıtın, Roman Kaýnov, Evgenıı Epıfanov, Andreı Lıýtovskıı syndy balýandardyń ishinen basym túsken grek-rım kúresinen sport sheberi Salaýat Ahmetqalı boldy. Uıymdastyrýshy Sergeı Syrýlnıkovtyń aıtýynsha, «Batyrs Battle» saıysynyń núktesi tamyz aıynda Nur-Sultan qalasynda qoıylady.
