Hromtaý aýdany, Bógetsaı aýyly mańyndaǵy Or ózenine 13 jastaǵy bala sýǵa batyp ketti. Habarlama ata-anasynan túsken. Oqıǵa ornyna jedel-tergeý toby bardy. «Oqýshy sýǵa shomylyp júrip batyp ketken. Denesin jergilikti turǵyndar sýdan alyp shyqqan. Bala sý qoımasynda ata-anasymen birge bolǵan.
Sý aıdyndaǵy balalar ómiriniń qaýipsizdigi kóp jaǵdaıda ata-anaǵa baılanysty. Tabıǵı jáne jasandy sý aıdyndarynda demalǵanda balaǵa sýdaǵy qaýipsizdik erejesin muqııat túsindirý kerek», dedi Aqtóbe oblysy PD bastyǵy Atyǵaı Arystanov. Jyl basynan beri Aqtóbe oblysynyń sý qoımalarynda 4 bala sýǵa batyp ketti.
