Sport • 25 Shilde, 2021

Qoryqty velosıpedpen aralaıdy

42 ret kórsetildi

Qostanaılyq áýesqoı velosportshylar Naýyrzym qoryǵyna velosıpedpen baryp qaıtýdy jón kórip otyr. Sharany uıymdastyryp jatqan «Qostanaı veloqaýymdastyǵy» qoǵamdyq birlestigi tóraǵasynyń orynbasary Qanat Saǵymbaevtyń sózinshe, saıahatshylar sapar barysynda uzynyrǵasy 440 shaqyrymdy júrip ótpek.

«Qostanaıdyń mańaıyndaǵy kórikti jerlerdiń kóbin araladyq. Endi shalǵaıda jatqan Naýyrzym qoryǵyna baryp qaıtýdy kózdep otyrmyz. Alaıda bul saıahatqa ekiniń biri qatysa almaıdy. О́ıtkeni qoryq alys, jol aýyr, biz velosıpedpen ǵana júrip otyramyz. Sondyqtan mundaı saparǵa shyǵatyn adamnyń tózimdi bolýymen qatar, onyń kóligi de senimdi bolýy kerek. Eger senderge ilese alamyn deıtinder bolsa, biz qarsy emespiz. Tek Naýyrzymǵa deıin 200 shaqyrymnan astam qashyqtyqty basyp ótip, odan soń qoryqtyń ishinde taǵy 200 shaqyrym jol júretinimizdi eskertemiz», dedi saıahatty uıymdastyrýshy.

Velosaıahatshylar 31 shildede Qostanaıdan shyǵyp, 1 tamyzda Naýyrzymnyń tumsyǵyna iligemiz dep josparlap otyr. Olar qoryqty eki kún boıy aralap, birneshe ekomarshrýt boıynsha júrip ótpek.

«Bizge joldan áýesqoı avtojúrgizýshiler de qosylady. Qarameńdige jetken soń, jergilikti turǵyndarmen kezdesý ótkizemiz. Aýyl jastaryn týǵan jerdiń tamyljyǵan tumsa tabıǵatyn bizben birge tamashalaýǵa shaqyramyz», dedi Q.Saǵymbaev.

Velosaıahat Naýyrzym memlekettik tabıǵı qoryǵynyń 90 jyldyǵyna oraı uıymdastyrylyp otyr.

Sońǵy jańalyqtar

Uqsas jańalyqtar