Aımaqtar • 26 Shilde, 2021

Gazdyń quny – kóptiń muńy

82 ret kórsetildi

Qaraǵandy oblysyn gazdandyrý jobasy 2035 jylǵa deıin eseptelgen. Oblys ortalyǵy boıynsha 30 myńǵa jýyq úıdi qamtıtyn 16 iske qosý keshenin salý josparda bar. Temirtaýda segiz, Jezqazǵanda alty iske qosý kesheni qarastyrylǵan. Shahtınsk qalasy, Jańaarqa jáne Osakarov aýdandaryn gazdandyrý boıynsha jobalar ázirlendi. Qarajal, Jáırem kenti, Buqar jyraý jáne Shet aýdandary úshin jobalyq-smetalyq qujattar ázirlenýde. Al bıyl Saran qalasynda gaz qubyrynyń qurylysy bastalmaqshy.

Taıaýda Qaraǵandy oblysyna jumys saparymen kelgen UEM Tabıǵı monopolııalardy retteý komıtetiniń tóraǵasy Asan Darbaev óńirdegi gazdandyrý jónindegi jobany iske asyrý jumystarynyń barysymen tanysty.

Jalpy qazirgi ýaqytta qurylysy júrgizilip jatqan «Saryarqa» magıs­traldy gaz qubyrynan kógildir otyndy Qaraǵandy, Jezqazǵan jáne Temirtaý qala­laryndaǵy úsh myńǵa jýyq tutyný­shy alady. Al bul saladaǵy sońǵy jańa­lyqtyń biri – salynǵan gaz jelileri qyz­met kórsetetin kompanııanyń senimdi bas­qarýyna ótedi. Al bul sharýa iske asqan­nan keıin tarıfti bekitýge ótinim beriledi.

Jumys sapary barysynda Tabıǵı monopolııalardy retteý komıtetiniń tóraǵasy gaz taratý pýnktterinde, son­daı-aq kógildir otyn qazirdiń ózinde jeke úılerge jetkizilgen oblys ortaly­ǵyndaǵy Mıhaılovka shaǵyn aýdanynda boldy.

Osy aýdandaǵy Zapadnyı kóshesinde turatyn zeınetker Aman Ábjanov gaz­dyń kelgenin asyǵa kútip júrgenin jet­kizdi.

– Árıne, gaz bolǵany jaqsy. Biz otbasymyzben osy úıde 20 jylǵa jýyq turamyz, kómirmen jylytamyz. Qysta bes-alty tonna kómir satyp alamyz. Gaz tıimdirek bolar edi. Biraq qazandyqty qoıý úshin úıdiń ishine qubyr tartý aıtarlyqtaı shyǵyndardy talap etedi. Biz muny bólip-bólip tóleımiz dep úmit­tenemiz, – deıdi ol.

Oblystyq energetıka jáne TKSh bas­qarmasynyń basshysy Ulantaı Úse­novtiń aıtýynsha, búginde Qara­ǵan­dy, Temirtaý jáne Jezqazǵan qala­la­rynda alǵashqy iske qosý keshen­deri aıaqtalypty. Úsh qaladaǵy úsh myń­ǵa jýyq abonent úılerine gaz je­li­leri tartylǵan. Qazirgi ýaqytta ekin­shi ke­zektiń qurylys jumystary júr­gizilýde.

Aldaǵy ýaqytta Jezqazǵan men Te­mirtaýdaǵy gaz jelilerin senimgerlik bas­qarýǵa qabyldaǵan «QazTransGaz Aı­­maq» AQ qyzmet kórsetý kom­pa­nııa­sy jumysqa kirisedi. Kóp uzamaı Qaraǵandyda da tapsyrý úderisi aıaq­talady. Kompanııanyń abonenttik bólimi ashylǵan, gaz qosqysy keletinder ol jerde tehnıkalyq sharttardy ala alady.

Tabıǵı monopolııalardy retteý ko­mıtetiniń tóraǵasy Asan Dar­baev búginge deıin kóp sharýanyń tyndy­ryl­ǵanyn atap ótti.

– Tamyz aıynda bizdiń departamentke tarıfti bekitýge ótinim beriledi dep kútemiz. Aldyn ala kópshilik tyńdaýlar ótedi. Barlyq taraptardyń múddeleri eskeriledi. Qazan aıynyń basyna deıin oblys boıynsha gazdyń túpkilikti qu­ny anyqtalady dep oılaımyn, – dep má­limdedi ol.

Búginge deıin úılerin kómirmen jylytyp kelgen Arqa tósindegi aǵaıyn úshin gaz baǵasynyń qoljetimdi bolǵany – asa mańyzdy máseleniń biri. Budan bólek, kógildir otynnyń kelýi oblystaǵy ekologııalyq ahýaldyń jaqsarýyna da ıgi septigedi dep úmittenedi óńir tur­ǵyn­dary.

 

Qaraǵandy oblysy

 

Sońǵy jańalyqtar

Ulylar úndestigi

Qazaqstan • Keshe

Baǵa baqylanady

Qarjy • Keshe

Meıirim shuǵylasy

Rýhanııat • Keshe

Kedergisiz orta kerek

Qoǵam • Keshe

Sıfrly damý: Jańa betburys

Tehnologııa • Keshe

Mahabbat áýeni

О́ner • Keshe

Uqsas jańalyqtar