Keshe Qasym-Jomart Toqaevtyń tóraǵalyq etýimen Qazaqstan Respýblıkasy Parlamenti Senaty bıýrosynyń otyrysy boldy. Senat Tóraǵasy Parlamenttiń basty mindeti – Memleket basshysynyń Joldaýyn iske asyrýdy zańnamalyq turǵyda qamtamasyz etýge nazar aýdardy, dep habarlady osy palatanyń baspasóz qyzmeti.
Keshe Qasym-Jomart Toqaevtyń tóraǵalyq etýimen Qazaqstan Respýblıkasy Parlamenti Senaty bıýrosynyń otyrysy boldy. Senat Tóraǵasy Parlamenttiń basty mindeti – Memleket basshysynyń Joldaýyn iske asyrýdy zańnamalyq turǵyda qamtamasyz etýge nazar aýdardy, dep habarlady osy palatanyń baspasóz qyzmeti.
Osyǵan baılanysty Q.Toqaev Prezıdent Joldaýyn iske asyrý jónindegi depýtattardyń usynystaryn eskere otyryp, arnaıy jospar ázirleýge tapsyrma berdi. Prezıdent aıtqan basymdyqtar men tapsyrmalar aıasynda depýtattar palata jumysynyń bıylǵy josparyn naqtylaý boıynsha usynystar engizdi.
Senat Tóraǵasy atap ótkendeı, aldaǵy ýaqytta aımaqtarǵa sapary barysynda parlamentshiler Memleket basshysynyń Joldaýyn túsindirý boıynsha eleýli jumystar atqarýy tıis jáne jergilikti jerlerde Prezıdent alǵa qoıǵan mindetterdi oryndaý máselelerin jurtshylyq arasynda talqylaý qajet.
Bıýroda Senat komıtetterine Májiliste maquldanǵan zań jobalary bólinip berildi. Sondaı-aq, bıýro músheleri Senattyń 23 qańtarda bolatyn otyrysynyń kún tártibin de qarady. Palata otyrysyna úsh zań jobasyn shyǵarý uıǵaryldy.
Ǵylymdy jáne ǵylymǵa negizdelgen ekonomıkany damytý máselelerine Prezıdent Joldaýynda basa nazar aýdarylýyna baılanysty Áleýmettik-mádenı damý komıtetiniń músheleri Senattyń osy salalyq komıtetiniń ataýyn Áleýmettik-mádenı damý jáne ǵylym komıteti dep qaıta ataý týraly usynys jasady. Bul másele palatanyń aldaǵy otyrysynda qaralatyn bolady.
