Roman KIM,
Parlament Májilisiniń depýtaty:
– Prezıdent óziniń ár Joldaýynda memleketti alǵa jyljytý úshin eldiń naqty, aıqyn maqsaty bolýy qajettigin aıtyp keledi. «Qazaqstan-2050» Strategııasy memlekettiń jan-jaqty damýyna, onyń ilgeri jyljýyna yqpal etetin osyndaı birden-bir aıqyndalǵan maqsat-mindet dep esepteımin. Árıne, bul Strategııa úlken, aýqymdy kezeńdi qamtıdy. Alaıda, Elbasy óz Joldaýynda bul kezeńniń belesin 5 kezeńge bólip, baǵyndyrý qajettigine nazar aýdardy.
Máńgilik Qazaqstan jobasy – Jańa dáýirdiń kemel kelbeti
Roman KIM,
Parlament Májilisiniń depýtaty:
– Prezıdent óziniń ár Joldaýynda memleketti alǵa jyljytý úshin eldiń naqty, aıqyn maqsaty bolýy qajettigin aıtyp keledi. «Qazaqstan-2050» Strategııasy memlekettiń jan-jaqty damýyna, onyń ilgeri jyljýyna yqpal etetin osyndaı birden-bir aıqyndalǵan maqsat-mindet dep esepteımin. Árıne, bul Strategııa úlken, aýqymdy kezeńdi qamtıdy. Alaıda, Elbasy óz Joldaýynda bul kezeńniń belesin 5 kezeńge bólip, baǵyndyrý qajettigine nazar aýdardy.
Memleket basshysy, sondaı-aq, óz Joldaýynda Qazaqstannyń árbir azamatynyń, elimizdiń árbir turǵynynyń ál-aýqatynyń kóterilýi men artýy únemi nazarda turatynyna toqtaldy. Bul memleket aldynda turǵan aýqymdy mindet dep oılaımyn. Osy oraıda, Elbasy Nursultan Nazarbaev ózi kótergen máseleler jóninde tapsyrmalar berip qana qoımaı, olardyń oryndalýynyń naqty merzimderine deıin belgilep berdi.
Árıne, elimizdiń álemniń damyǵan 30 eliniń qataryna enýine qajetti birneshe alǵyshart bar. Solardyń biri – Prezıdent aıryqsha toqtalǵan agroónerkásiptik keshen. Men Parlament Májilisindegi Agrarlyq komıtettiń múshesimin. Osy rette, men Elbasy atap ótken birqatar máselege nazar aýdarǵym keledi. Máselen, Prezıdent óziniń sózinde aýyl sharýashylyǵynda jumys istep júrgen kez kelgen azamat keshegi kúnmen ómir súrmeýi qajettigin basa aıtty. Iаǵnı, búgingi tańda aýyl sharýashylyǵyn kóterý úshin jańa tehnologııalar, jańa ınnovasııalar aýadaı qajet. Memleket basshysy, mine, osyndaı máselelerdi kún tártibine shyǵardy.
Ǵanı QALIEV,
«Aýyl» partııasynyń tóraǵasy:
– Agroónerkásip kesheni – asa kúrdeli másele. Munaı men gaz, ýran, basqa da jerasty qazba baılyqtary máńgilik emes, túbi bir taýsylady, sarqylady. Halyqty negizinen aýyl sharýashylyǵy asyraıdy.
Bizdiń elimizde aýyl sharýashylyǵyna qajetti jerler kóp. О́kinishke qaraı, bizdegi jer qunarlylyǵy damyǵan elder jerlerine qaraǵanda tómendeý, aýa raıy da qataldaý. «Bıopotensıal» degen bar. Osy jaǵynan alǵanda, bizdiń aýyl sharýashylyǵymyzdyń bıoáleýeti Reseıden 2,5-3 ese, Eýropadan 5 ese kem. Sondyqtan aýyl sharýashylyǵy salasyna Úkimet tarapynan kóbirek qoldaý kórsetilýi kerek. Bul másele keıde eskeriledi, keıde eskerilmeıdi. Prezıdenttiń Joldaýynan keıin osy máseleler qolǵa alynatyn shyǵar degen oıdamyn.
Elbasymyz erekshe toqtalǵan taǵy bir másele – ǵylymnyń jetistigin paıdalaný. Ǵylymdy paıdalanbasa, ekonomıkanyń barlyq salasy eshqashan damymaıdy. Onyń ishinde, árıne, aýyl sharýashylyǵy da bar. Sońǵy kezderde ǵylymdy, onymen aınalysatyn ǵalymdardyń bedelin tómendetip jiberdik. Ǵalymdardyń áleýmettik jaǵdaılaryn sheshýdi, olardyń qoǵamdaǵy ornyn qaıta qalpyna keltirýdi qolǵa alsaq, jaqsy-aq bolar edi.
Aleksandr SMIRNOV,
«Sýomı» etnomádenı birlestiginiń tóraǵasy:
– Elbasy N.Nazarbaev óziniń ár jyldardaǵy joldaýlarynda memleketke jańa mindetter júktep qana qoımaı, sol arqyly halyqtyń júregine senim uıalatyp keledi. Árıne, Memleket basshysy belgilegen maqsat-mindetter, olardy júzege asyrý ońaı emes. Desek te, olardy kezeń-kezeńmen baǵyndyrýǵa bolady dep oılaımyn.
Prezıdent atap ótkendeı, aldaǵy ýaqytta biz «jasyl ekonomıkany» damytýymyz kerek. О́tken jyldyń sáýir aıynda Qazaqstan–Fınlıandııa sammıti uıymdastyrylǵan bolatyn. Sol kezde de eki eldiń prezıdentteri «jasyl ekonomıka» tóńireginde áńgime qozǵap, ony jańǵyrtý máselesin talqylaǵan edi. Demek, bolashaqta qos tarap osy baǵyttaǵy aýqymdy jobalardy qolǵa alyp, olardy birlese júzege asyratyn bolady. Meniń oıymsha, «jasyl ekonomıkany» basshylyqqa alyp, memleketti alǵa jyljytý bastamasy der kezinde qolǵa alynyp otyr. Bul óte durys sheshim. Sebebi, «jasyl ekonomıka» – bolashaq, eldiń bolashaǵyn aıqyndaıtyn tetik. Demek, sol arqyly biz ilgeri qadam jasap, jańasha ómir súrýimiz kerek.
Búginde meniń aınalamda bilikti ınjenerler toby jumys isteıdi. Olar fındermen birlesip, birqatar jobalardy ázirleýde. Bizdiń EKSPO-2017 halyqaralyq kórmesine daıyndap jatqan bir aýqymdy jobamyz bar. Ony ýaqyty kelgende kórip, baǵasyn beresizder dep oılaımyn.
Baqyt SULTANOV, Qarjy mınıstri:
– Elbasy «Qazaqstan joly – 2050: bir maqsat, bir múdde, bir bolashaq» atty Joldaýynda 30 eń damyǵan eldiń qataryna kirýge qatysty naqty mindetterdi 7 basymdyq boıynsha aıqyndap berdi. Sonyń ishinde «Máńgilik El» degen ulttyq ıdeıanyń 7 qaǵıdatyn alǵa tartýy qazaqstandyqtar úshin mol múmkindikterdiń ashylyp otyrǵandyǵynyń aıǵaǵy bolsa kerek. Bul óte jaýapkershilikti is bolǵandyqtan, oǵan barlyǵy da atsalysýy qajet.
Jáne de Joldaýda Úkimet pen Ulttyq bank aldyna 7 tapsyrma qoıylǵandyǵyn da aıta ketken jón. Joldaýda kórinis tapqan mindetterdi júzege asyrý úshin Úkimet naqty josparlar quratyn bolady. Tutastaı alǵanda, el ekonomıkasynyń ósimi 6-7 paıyz deńgeıinde saqtalyp, turaqty damıtyndyǵyna senim mol.
Serik ÚMBETOV,
Parlament Májilisiniń depýtaty:
– Elbasy «damyǵan el» uǵymynyń ýaqytqa sáıkes ózgerip turatyn kategorııa ekendigin, damyǵan elderde halyqtyń múlde jańa ómir sapasyna qol jetkizgenin taǵy da aıtyp ótti. Biraq osyndaı naryqtyq jaǵdaıda qol jaıyp bireýden kómek kútpeı, ózińniń qarmanýyń qajettigin, eńbektenýiń, onyń ishinde tıimdi eńbektený qajettigin árkim-aq túsinýi tıis. Halqymyz «Eńbek etseń – emersiń» demeı me. Al memlekettiń mindeti osyǵan barlyq jaǵdaıdy jasaý desek, zańdyq negizder qalanǵan qoǵamda búgingi kúni orta jáne shaǵyn bıznestiń tynysy ashylyp, olarǵa kidińdep baratyn tekserýler azaıdy. Endigi maqsat – shaǵyn bıznesti orta deńgeıge kóterý. Ortalar, árıne, alǵa umtylsyn. Al álemniń kóshbasshy elderinde osy orta deńgeıdegi bıznes alatyn úles qomaqty. Al orta deńgeıdiń kóbeıýi halyq turmysynyń jaqsarǵany ǵoı.
Elbasy baǵa qalyptastyrýdyń ashyq tetikteri arqyly tıimdi jer naryǵyn qurýdyń mańyzdylyǵyna mán berdi. Shynynda, Joldaýda aıtylǵandaı, aýylsharýashylyq jerlerin ınvestısııa tartý jáne ozyq tehnologııalar engizýdi eskerip jalǵa bergende ǵana báseke kúsheıedi. Al jaqsy maǵynadaǵy básekelestik tıimdilik, joǵary ónim. Sondyqtan da bıznestiń damýyna, fermerler kooperasııasynyń úderisine, jerdi tıimdi paıdalanýǵa bóget jasaıtyn barlyq kedergilerdi joıý qajet degen oıǵa tolyq qosylamyn. Agrarlyq sektordyń durys damýy degenimiz, eger osy sektordaǵy halyqtyń deni ózimizdiń qarakózder ekenin eskersek, ol ultqa jasalǵan janashyrlyq dep uqqan jón.
Eldi mekenderde shaǵyn jáne orta bıznes túrindegi jańa óńdeý kásiporyndar jelisi qurylyp jatsa, olardy nesıeleýge nıet túbirimen durystalyp jáne ol uzaqmerzimdi qarjylandyrý men ótkizý naryqtaryna deldalsyz, tikeleı shyǵa alsa, aýyl sharýashylyǵynyń aıdarynan jel esetin bolady.
Nıkolaı QÝATOV,
Qurlyq áskerleri áskerı ınstıtýtynyń bastyǵy, general-maıor:
– Biz Memleket basshysynyń Qazaqstan halqyna kezekti Joldaýyn óz aýzynan estip, zor áser aldyq. Dáýletti memleket bolǵanymyz qarapaıym tilmen jetkizildi. Muny biz uzaq jyldardan beri el Prezıdenti – Qarýly Kúshterdiń Joǵarǵy Bas qolbasshysynyń 1991 jyldan bastap Qarýly Kúshterimizdiń, armııamyzdyń damýyna jasap otyrǵan qamqorlyǵyn sezinip, ony óz kózimizben kórip kelemiz.
Joldaýda Memleket basshysy ǵylym men bilimge, qazaqstandyq patrıotızmge basa nazar aýdardy. Munyń, árıne, bizge, bolashaq urpaq tárbıelep otyrǵan, ásirese, bolashaq Otan qorǵaýshy ázirleıtin ásker basshylaryna qatysy bar. Rasynda, Qazaqstan dáýletti de sáýletti memleketke aınaldy, Joǵarǵy Bas qolbasshynyń belgilegen baǵyt-baǵdary boıynsha qoıylǵan tapsyrmalar tolyǵymen oryndaldy. Jáne de Joǵarǵy Bas qolbasshynyń alǵa qoıǵan tapsyrmalary maqsatqa saı. Ol úshin árkim óz ornynda jumys istep, eńbek etýi tıis, óziniń bar bilimi men tájirıbesin memlekettiń órkendeýine arnaýy qajet.
Ǵylymǵa baılanysty sózinde Joǵarǵy Bas qolbasshy ǵylymsyz alǵa basýdyń múldem múmkin emestigin shegelep aıtty. Biz kýrsanttardyń – bolashaq ofıserlerdiń sanasyna otansúıgishtik sezimin sińirip kelemiz. Sondyqtan kýrsanttar, bolashaq ofıserler Otandy súıýge, Otandy qorǵaý úshin bizdiń elimizdiń jáne Joǵarǵy Bas qolbasshymyzdyń buıryǵyn oryndaýǵa árqashan daıyn ekendigin aıtqym keledi.
