Elbasynyń dástúrli Joldaýyn teledıdar arqyly muqııat tyńdap, baspasózden de egjeı-tegjeıli oqyp shyqtym. Bulaısha asa yqylas qoıýymnyń jóni bar. Onda jańa mindetter júkteletin baǵdarlamalyq baǵyt men úshin úlken sharýashylyq jetekshisi retinde mańyzdy bolýymen birge, jalpy elimiz ekonomıkasy men áleýmettik, qoǵamdyq damý joldaryn baıyptap, saralaýǵa oı tereńdetýimen máni bir bólek árqashan. Shyndyǵyn aıtqanda, seriktestiktiń ár jyldaǵy kezekti jumys josparyn naqty aıqyndap, sony mejeler belgileýdi Joldaýda alǵa qoıylatyn tapsyrmalarǵa sáıkes jobalaýdy kútip otyramyz. Basty is-sharalar sıpaty sodan týyndaıdy. Álbette, bul rette negizgi salamyzǵa baılanysty túıindi máseleler sheshimin tabýǵa basa kóńil bólinedi.
Elbasynyń dástúrli Joldaýyn teledıdar arqyly muqııat tyńdap, baspasózden de egjeı-tegjeıli oqyp shyqtym. Bulaısha asa yqylas qoıýymnyń jóni bar. Onda jańa mindetter júkteletin baǵdarlamalyq baǵyt men úshin úlken sharýashylyq jetekshisi retinde mańyzdy bolýymen birge, jalpy elimiz ekonomıkasy men áleýmettik, qoǵamdyq damý joldaryn baıyptap, saralaýǵa oı tereńdetýimen máni bir bólek árqashan. Shyndyǵyn aıtqanda, seriktestiktiń ár jyldaǵy kezekti jumys josparyn naqty aıqyndap, sony mejeler belgileýdi Joldaýda alǵa qoıylatyn tapsyrmalarǵa sáıkes jobalaýdy kútip otyramyz. Basty is-sharalar sıpaty sodan týyndaıdy. Álbette, bul rette negizgi salamyzǵa baılanysty túıindi máseleler sheshimin tabýǵa basa kóńil bólinedi.
Respýblıkamyzdyń odan ári damýynyń nusqasy anyqtalǵan osy qujatta aýyl sharýashylyǵy óndirisin arttyrýǵa qajetti baǵdar da qadap aıtylǵandaı, álemdik naryqta azyq-túlikke suranys ósip otyrǵan jaǵdaıda salany jańǵyrtýda esh bosańdyq bolmaýyn túsinemiz. Jańa Joldaýda «Qazaqstannyń agroónerkásip kesheniniń ınnovasııalyq baǵytqa kóshýin qamtamasyz etý mańyzdy», dep aıqyn kórsetildi. Sondyqtan isti ǵylymı negizde uıymdastyrý, agrotehnologııalyq jańalyqtar úrdisinde júrgizý talapqa aınalady.
Bir táýiri, umtylysymyz nátıjesi kóńildegideı deýge bolady. Ony qoldaýǵa arnalǵan memlekettik qamqorlyqtyń arqasynda nyǵaıa túsýdegi sharýashylyǵymyzdyń ekonomıkalyq ál-qýaty qandaı da mindetti iske asyrýǵa múmkindik beretindeı deńgeıge kóterilgenin aıta alamyz. Búginde 30 myńnan astam gektar alqapqa egin egýimizben qosa, mal sanyn ulǵaıtýǵa bet burýymyz sonyń jarqyn dáleli. Burynǵyǵa qaraǵanda eńbekkerlerimizdiń jumys jaǵdaıy anaǵurlym jaqsardy. Kóktemgi tuqym sebý, egin oraǵy sııaqty naýqandar jańadan satyp alynyp, tolyqtyrylǵan zamanaýı úlgidegi tehnıkalar kúshimen jyldam ári sapaly atqarylady. Sóıtip, astyq ónimderin eksportqa shyǵarýǵa da qol jetkizile bastady.
Tek sonymen shektelip otyrǵanymyz joq. Seriktestik iri qara tuqymyn asyldandyrýdy qolǵa alyp, mal bordaqylaý ornyn ashty. Onda ósiriletin qońdylyǵy joǵary maldar eti syrtqy rynokqa jiberiledi. «Qazaqstan-2050» Strategııasynda memleketimizdiń aldynda turǵan úlken maqsattardyń biri aýylsharýashylyq ónimderiniń eksporttyq áleýetin arttyrýǵa, básekege qabilettiligin kúsheıtýge basymdyq berilip otyr.
Jańa jyldaǵy elimiz órkendeýiniń tyń baǵytyn negizdegen, jasampazdyq jumystarǵa jigerlendirgen Tuńǵysh Prezıdentimiz Joldaýyndaǵy mindetter ujym músheleri arasynda zor serpilis týǵyzdy. О́z ómirlerin jaqsartýǵa, memleket mereıin ósirýge baǵyttalǵan ortaq maqsattyń bıigine jetýge úles qosý árqaısysynyń qasıetti boryshy bolatyny anyq.
Seıitjappar NYǴMETOV,
«Qaınar» JShS jetekshisi.
Qaraǵandy oblysy,
Nura aýdany.
