Atyraýdaǵy eń iri aýdannyń biri – Jylyoı. Osy aýdannyń aýmaǵyndaǵy «Qarashúńgil» ken ornynan budan 115 jyl buryn qazaq munaıynyń alǵashqy tamshysy alynǵan. Sodan beri jylyoılyqtar «qara altyn» selin áli tasytyp keledi. Elimiz táýelsizdik alǵan tusta osyndaǵy «Teńiz» ken ornyn ıgerý úshin alǵashqy ınvestor – «Shevron» korporasııasynyń birlesken kásiporyny quryldy. Qazir atalǵan ken ornynda osy aýdannyń turǵyndary da jumys jasaıdy. Elý bes myń turǵyny bar aýdan ortalyǵy – Qulsaryǵa shaǵyn qala mártebesi berildi. Mine, osynyń bári jylyoılyqtardyń táýelsiz el erteńine degen senimin nyǵaıta túskeni daýsyz.
Atyraýdaǵy eń iri aýdannyń biri – Jylyoı. Osy aýdannyń aýmaǵyndaǵy «Qarashúńgil» ken ornynan budan 115 jyl buryn qazaq munaıynyń alǵashqy tamshysy alynǵan. Sodan beri jylyoılyqtar «qara altyn» selin áli tasytyp keledi. Elimiz táýelsizdik alǵan tusta osyndaǵy «Teńiz» ken ornyn ıgerý úshin alǵashqy ınvestor – «Shevron» korporasııasynyń birlesken kásiporyny quryldy. Qazir atalǵan ken ornynda osy aýdannyń turǵyndary da jumys jasaıdy. Elý bes myń turǵyny bar aýdan ortalyǵy – Qulsaryǵa shaǵyn qala mártebesi berildi. Mine, osynyń bári jylyoılyqtardyń táýelsiz el erteńine degen senimin nyǵaıta túskeni daýsyz.
Al ótken aptada Jylyoı aýdanynyń turǵyndaryn, ásirese, mektep oqýshylaryn úlken qýanyshqa keneltken jańa mekteptiń tusaýy kesildi. Olaı deıtinimiz, osy kezge deıin qoınaýynan «qara altyn» úzdiksiz tonnalap alynsa da, bul aýdanda mekteptiń azdyǵy alańdatatyn. Sol sebepten, osy kezge deıin Qulsary qalasynyń oqýshylary osyndaǵy mektepterde úsh aýysymmen oqýǵa májbúr edi. Endi Qulsary qalasynyń oqýshylary sol qıyndyqtan qutyldy. Jergilikti bıýdjetten qarjylandyrylǵan jańa mekteptiń qurylysyn «Munaı Qurylys Servıs LTD» JShS júrgizipti.
Jańa mekteptiń ashylýy osyndaǵy úsh aýysymmen oqytatyn №9 orta mekteptiń jumysyn jeńildetti, deıdi bilim ordasynyń dırektory Dosmuhan Ilııasov. Budan bylaı bul mektepte №20 orta mekteptiń oqýshylary oqıtyn boldy. Osylaısha, jańa mektepte 466 oqýshyny 36 muǵalim ilim-bilimge baýlıdy. Mundaǵy synyp kabınetteri zaman talabyna saı, úsh synypta ınteraktıvti taqta ornatylypty. Eki lıngofondyq-mýltımedıalyq, sonymen birge, 48 jańa kompıýtermen jabdyqtalǵan kabınetter bar. Bastaýysh synyptardyń 217 oqýshysy tegin ystyq tamaqpen qamtylǵaly otyr.
– Elbasy Nursultan Nazarbaev halyqqa jyl saıynǵy joldaýlarynda bilim salasy men onyń sapasyna úlken kóńil bólip keledi, – dedi mekteptiń ashylý saltanatynda oblys ákiminiń orynbasary Shyńǵys Muqan. – Jańa mekteptiń ashylýy eldiń bolashaǵyna qalanǵan myqty irgetas. Jańa bilim ordasy «№8 orta mektep» dep atalady. Segiz sany – máńgiliktiń, sheksizdiktiń, keńdiktiń belgisi. Mekteptiń maqsaty – máńgi, jas urpaqtyń alar bilimi sheksiz bolsyn!
Jylyoı aýdanynyń ákimi Maqsym Izbasovtyń aıtýynsha, burynǵy №20 orta mekteptiń eski ǵımaratyn 140 oryndyq balabaqshaǵa aınaldyrý kózdelip otyr. Aldaǵy kóktemde iske qosylatyn balabaqshaǵa «Aınalaıyn» ataýy berilmek.
Joldasbek ShО́PEǴUL,
«Egemen Qazaqstan».
Atyraý oblysy,
Jylyoı aýdany.
–––––––––––––––––
Sýretti túsirgen
Rahym QOILYBAEV.
