Jıynǵa Densaýlyq saqtaý birinshi vıse-mınıstri Marat Shoranov, Qoǵamdyq densaýlyq saqtaý basqarmasynyń basshysy Tımýr Muratov pen qalanyń medısınalyq uıymdarynyń basshylary qatysty.
Qala ákiminiń orynbasary 2021 jyldyń II jartyjyldyǵyna qalalyq Densaýlyq saqtaý salasynyń aldyna birqatar mindetter qoıdy. Birinshi kezekte koronavırýstyq ınfeksııaǵa qarsy jappaı vaksınasııalaýdy aıaqtaý, Densaýlyq saqtaý júıesiniń ınfraqurylymyn odan ári damytý, kadr tapshylyǵyn azaıtý, densaýlyq saqtaýdy damytýdyń 2020-2025 jyldarǵa arnalǵan memlekettik baǵdarlamasyn iske asyrý, MÁMS júıesinde medısınalyq kómek kórsetý máseleleri tur.
Otyrys barysynda Ashat Oralov ana ólimin azaıtýdyń oń úrdisin atap ótti.
«Jumysty osyndaı qarqynmen jalǵastyrý kerek. Qaýip-óaterdiń aldyn alý sharalaryn kúsheıtip, medısına qyzmetkerleriniń biliktiligin úzdiksiz arttyrý prosesin jetildirý qajet», dep atap ótti qala basshysynyń orynbasary.
Densaýlyq saqtaý vıse-mınıstri de birqatar kórsetkishter boıynsha oń dınamıkany nazarǵa aldy.
«Nur-Sultan qalasynda kórsetkishter boıynsha oń dınamıka baıqalady. Atap aıtqanda, balalar arasynda semizdik aýyrýy azaıdy, medısınalyq uıymdardy qajetti tehnıkamen jabdyqtaý deńgeıi artty, medısınalyq uıymdar ǵımarattarynyń tozý deńgeıi tómendedi, densaýlyq saqtaýdaǵy jeke ınvestısııalardyń úlesi artty. Dese de, qan aınalymy júıesi aýrýlary men jaraqattardan bolatyn ólim-jitimniń ósýine erekshe nazar aýdarý qajet», dep atap ótti Marat Shoranov.
Qalalyq densaýlyq saqtaý basqarmasynyń basshysy óz esebinde alǵashqy medısınalyq-sanıtarlyq kómek kórsetetin medısınalyq uıymǵa tirkelý máselesine toqtaldy.
«Atalǵan memlekettik qyzmetti qatań túrde qoldanystaǵy normatıvtik quqyqtyq aktilerge sáıkes kórsetýdi jáne ony kórsetý merzimderin buzý jáne negizsiz bas tartý faktilerine jol bermeýdi qamtamasyz etý qajet. Sońǵylary barynsha dáleldi bolýy tıis», dedi Tımýr Muratov.
Otyrys sońynda qala ákiminiń orynbasary vaksınasııa pasporttaryn burmalaý faktilerin baqylaýǵa alýdy tapsyrdy.
