Aıta keteıik, qazaqstandyq qurama irikteý satysynda D tobynda synǵa túsedi. Qarsylastary - Fransııa, Ýkraına, Bosnııa jáne Gersogovına, Fınlıandııa.
Qazirge deıin ulttyq qurama eki oıyn ótkizdi. Alǵashqysynda óz alańynda Fransııadan 0:2 esebimen jeńilse, odan keıin syrt alańda Ýkraınamen 1:1 esebimen teń tústi. Alǵashqy kezdesýde Ýkraına quramasynyń bas bapkeri qyzmetin Andreı Shevchenko atqarǵan edi. Endi ol qyzmetke Aleksandr Petrakov taǵaıyndaldy.
Týrnır kestesinde qazaqstandyqtar bir upaımen besinshi orynda tur. Kósh basynda jeti upaımen Fransııa keledi. Eki qurama buǵan deıin bes márte kezdesti. Onyń tórteýinde ýkraındar jeńiske jetse, bireýinde teń nátıje tirkeldi.
Búgingi kezdesýge karantın talabyna baılanysty jankúıerler shekteýli mólsherde stadıonnan tamashalaı alady. Oıyn elorda ýaqytymen 20.00-de bastalyp, «Qazsport» telearnasynan tikeleı efırde kórsetiledi.
Kezdesýde lıtvalyq Donatas Rýmshas bas qazy qyzmetin atqarady. Oǵan otandastary Aleksandras Radıýshas pen Dovıdas Sýjıdelıs kómekshilik jasaıdy. Qosalqy tóreshi de lıtvalyq Robertas Shmıtas.
Qazaqstan quramasy budan keıin syrt alańda 4 qyrkúıekte Fınlıandııamen kezdesse, 7 qyrkúıekte Bosnııa jáne Gersogovınamen sheberlik baıqasady.
