Tehnologııa • 08 Qyrkúıek, 2021

Qazaqstanda 5G uıaly baılanysy testileýden ótedi

52 ret kórsetildi

Nur-Sultan, Almaty jáne Shymkentte 5G standartyndaǵy uıaly baılanys testileýden ótedi, dep habarlaıdy Egemen.kz.

Bul týraly QR Sıfrlyq damý, ınnovasııalar jáne aeroǵarysh ónerkásibi mınıstrliginiń baspasóz qyzmeti málimdedi.

«Qazaqstanda 5G jelisin engizýge qatysty saýaldar kóbeıgendikten, QR Sıfrlyq damý, ınnovasııalar jáne aeroǵarysh ónerkásibi mınıstrligi mynadaı málimet beredi: Qazaqstan Respýblıkasy Radıojıilikter jónindegi memlekettik vedomstvoaralyq komıssııasy eldiń úsh qalasynda – Nur-Sultan, Almaty jáne Shymkentte 5G standartyndaǵy uıaly baılanysty testileýden ótkizý týraly sheshim qabyldady.

Eshqandaı operatordyń eksklıýzıvti quqyǵy bolmaıdy, jospar kestesine sáıkes 5G uıaly baılanysyn synaý múmkindigi belgili bir ýaqytqa «Qazaqtelekom» AQ, «Kar-Tel» JShS, «Ksell» AQ, «Mobaıl Telekom-Servıs» JShS berildi. 5G standartyndaǵy uıaly baılanystyń kommersııalyq turǵyda usyný merzimin naqty aıtý ázirshe múmkin emes», delingen habarlamada.

Sondaı-aq onda qazirgi tańda zań jobasy QR Parlamenti Senatynyń qaraýynda ekeni aıtylǵan.

«Bul másele tolyqtaı zań júzinde rettelgen soń ǵana konkýrs (nemese aýksıon) nátıjesi boıynsha jeńgen operator 5G standartyn kommersııalyq qoldanysqa engizetin bolady», delingen mınıstrliktiń habarlamasynda.

Sońǵy jańalyqtar

Jastar qalaýy – jarqyn keleshek

Referendým-2022 • Keshe

Referendýmdy qoldaýǵa úndeý jasady

Referendým-2022 • Keshe

Aǵa býynnyń aıtary bar

Referendým-2022 • Keshe

Áljannyń kise belbeýi

Tarıh • Keshe

Uqsas jańalyqtar