Bul týraly TASS agenttigi málimdedi.
TASS agenttiginiń málimetinshe, gaz jarylǵany týraly aqparat Máskeý ýaqytymen 11 qyrkúıek kúni saǵat 00:52-de túsken. Úıdiń eki kireberisiniń biri opyrylyp qalǵan. Úıde barlyǵy 16 páter bolǵan, sonyń segizi qıraǵan. Eki adam qaza tapty, onyń biri – sábı, ekinshisi 1971 jylǵy áıel.
«Segiz adam zardap shekti, onyń beseýi birden aýrýhanaǵa jatqyzyldy. Olardyń arasynda bir búldirshin bar.
Zardap shekken 2012 jylǵy qyz balany Eles qalalyq balalar aýrýhanasyna jetkizdi, dárigerler onyń jaǵdaıyn ortasha aýyr dep baǵalap otyr. Taǵy bir zardap shegýshige ambýlatorlyq kómek kórsetildi. Keıinirek taǵy bir adamdy týystary aýrýhanadan alyp ketti. Dárigerler zardap shegýshilerdiń jaǵdaıyn ortasha aýyr dep otyr», dedi jedel qyzmetten.
Qutqarýshylar úıindi astynan bir adamdy izdep jatyr. Aldyn ala málimet boıynsha, jarylys gazdyń taralýy saldarynan bolǵan. Osyǵan qatysty qylmystyq is qozǵaldy. Lıpeskıı oblysynyń bıligi úı turǵyndaryna kómek kórsetetinin jarııalady. О́ńirlik bılik ekiqabatty úıdiń ómir súrýge jaramsyz ekenin málimdedi. Osy oqıǵaǵa deıin turǵyn úı apattyq jaǵdaıda bolmaǵan.
