«Áleýmettik jelilerde týyndaǵan suraqtarǵa barynsha bir post arqyly túsinikteme berip, aqparat tapshylyǵyna jáne buryn aıtylǵan aqparattyń durys túsindirilmeýine baılanysty paıda bolǵan kózqarastardyń basyn ashqym keledi.
Birinshiden, eGov portaly tek qana Qazaqstanǵa tıesili jáne eshkimge berilmeıdi!
«Qazaqstandyqtardyń barlyq derekteri Reseı Federasııasyna qoljetimdi bolady» degen túsinik qısynsyz.
Nelikten? Qazaqstanda táýelsizdik alǵaly beri sheteldik qurylymdarda jumys isteıtin kóptegen mekemeler bar, dese de olardyń bári bizdiń málimetterdi ala alady degen sóz emes», dedi mınıstr.
Onyń aıtýynsha, elektrondyq úkimetke keletin bolsaq, bul jerde bireý bireýge aqparat beredi degen suraqtyń týyndamaýy da kerek. Sondaı-aq «eGov.kz» ne ekenin qysqasha túsindirip ótti.
«eGov - bul barlyq memlekettik bazalarmen qursym arqyly qosylǵan «vıtrına» ǵana. Bul bazalarǵa nemese júıelerge eshkim eshqashan qol jetkize almaıdy! О́tken aıda bastalǵan taldaý qazaqstandyq memlekettik sektorda 400 + aqparattyq júıe bar ekenin kórsetti. Bul memlekettik jyljymaıtyn múlik bazasy sııaqty iri bazalardan bastap, olımpıada júldegerleri tirkelgen shaǵyn bazalarǵa deıin.
Aǵymdaǵy kezeńde bizdiń mindetimiz - ártúrli tehnologııalarda jazylǵan, keıde baǵdarlamashy etıkasy men eskirgen qujattamasyz júzdegen júıelerdiń ornyna, barlyq derekter biryńǵaı platformada rettelgen jáne túsinikti bolatyn ondaǵan júıelerge ótý. Qazir eGov-ty mıllıondaǵan eski qurylǵylarmen salystyrýǵa bolady, olardyń ornyna biz sapaly zamanaýı tehnologııamen jabdyqtalǵan platformany ornatqymyz keledi. Biz halyq úshin de, ekonomıka úshin de barynsha oń nátıje alý maqsatynda sıfrlandyrýdyń «quraqtalǵan» modelinen tutas platformalyq modeline ótetin kez keldi.
IT salasyndaǵy kez kelgen sheshim, ásirese halyqaralyq sheshim kıber qalqan men azamattardyń múddelerin qorǵaý jónindegi ýákiletti organdardyń usynymyn eskere otyryp qabyldanady. Biz Qazaqstan tarapy baǵdarlamalyq qamtamasyz etý men tehnıkalyq qoldaýdy talap etetin vendor sııaqty bolýy kerek degen talap qoıyp otyrmyz. SBER barlyq qoljetimdilikti bere otyryp, barlyq komponentterdiń bastapqy kodtaryn kórsetedi jáne barlyǵyn Qazaqstandaǵy serverlerge ornalastyrady dep kelistik», dep jazdy Baǵdat Mýsın.
Sonymen qatar bólinetin 500 mln-nyń barlyǵy SBER-ge jumsalmaıtyndyǵyn da aıryqsha atap ótti.
«Memorandým – kelisimshart emes. Úkimet sıfrlyq transformasııa múmkindigin qarastyratyn memorandýmǵa qol qoıdy, onyń baǵalaý quny shamamen 500 mln.
Bul atalǵan somanyń bir bóligi jergilikti IT naryǵyna ınvestısııalanatynyn bildiredi. Bul qarajatty qazaqstandyq kompanııalar platformalyq tásildi engizý boıynsha jumys sheńberinde jumsaıdy. Somanyń ekinshi bóligi - ınfraqurylymdyq sheshimderge ketse, úshinshi bóligi ǵana SBER-den sheshimniń ózin satyp alýǵa arnalatyn bolady.
Úshinshiden, platformalyq modeldi engizýge Qazaqstannyń IT kompanııalary mindetti túrde qatysady.
Platformalyq modeldi engizýdiń tanystyrylymy men talqylaýy qoǵam belsendileri men IT naryq ókildirinen turatyn saraptamalyq komıssııamen (70-te 30) birlesip ótetin bolady. Nıet bildirýshiler jekege óz baılanys málimetterin qaldyra alady, saraptamalyq keńes tizimin jasaý kezinde eskeretin bolamyz. SBER platformanyń jumys isteýin kórsetip, oqytatyn sarapshylarmen sessııalar uıymdastyrady, sodan keıin ǵana biz platformada jumys isteımiz. Bul jobany iske asyrýǵa bizdiń IT kompanııalar jumyldyrylady», dep jazdy mınıstr.
