«Bıyl birinshi bolyp tumaýǵa qarsy ekpe saldyrǵandardyń biri - Densaýlyq saqtaý mınıstri Alekseı Soı. Búgin elimizde respýblıkalyq vaksınasııa naýqany bastaldy, osy oraıda vedomstvo basshysy Nur-Sultan qalasy ákimdiginiń «№6 qalalyq emhanasy» ShJQ MKK baryp, reseılik «Grıppol+» vaksınasyn saldyrdy», delingen habarlamada.
Densaýlyq saqtaý mınıstriniń aıtýynsha, bıyl halyqty vaksınasııalaý asa qajet, óıtkeni koronavırýs pandemııasy kezinde tumaý da órshýi múmkin.
«Jylda kúz kelgende JRVI men tumaý órshıdi. 2019-2020 jylǵy epıdemıologııalyq maýsymda JRVI aýyrǵan 431 120 adam tirkeldi, onyń ishinde 2 jarym myńnan asa naýqas zerthanada anyqtalǵan tumaýǵa shaldyqqan. Onyń 284 033-i nemese 61,4 paıyzy 14 jasqa tolmaǵan balalar. Bıyl halyqty vaksınasııalaý asa qajet, óıtkeni koronavırýs pandemııasy kezinde tumaý da órshýi múmkin, sol kezde eldegi jaǵdaıdy turaqtandyrý qıyn bolady. Sondyqtan bul joly elimizde vaksınasııany jyldaǵydan eki apta buryn bastaımyz. Qazaqstan qaýipsiz, tıisti zerthanalyq synaqtardan jáne baqylaýdan ótken, sapaly vaksına satyp alǵanyn kórsetý úshin ózim birinshi bolyp ekpe saldyrdym» dedi A.Soı.
