Búgin Taılandtyń Bangkok qalasynda jastar arasynda ótken Azııa chempıonatynda Qazaqstan quramasynyń alty boksshysy altyn medalge, úsh sportshysy qola júldege ıe bolyp, jalpy komandalyq esepte birinshi oryndy ıelendi. Bul týraly egemen.kz tilshisi habarlady.
56 kılo salmaqta Sultan Zaýrbek koreıalyq boksshyny jeńip, Qazaqstan quramasynda alǵashqy bolyp Azııa chempıony atansa, odan keıin 60 kıloǵa deıingi salmaqta Abylaıhan Júsipov sırııalyq qarsylasynan basym túsip, qurmet tuǵyrynyń eń bıik satysyna kóterildi. Osydan keıin Aıan Qalybekov (64 kg), Vadım Kazakov (81 kg) pen Temirlan Qabıev (91 kg) ózbek bylǵary qolǵap sheberlerin utsa, 91 kılodan asa salmaqta Eldos Qadyrbaev sırııalyq boksshyny jeńip, Azııa chempıony atandy. Al jastar quramasynan Ertýǵan Zeınýlınov (49 kg), Ivan Kovalev (52 kg) pen Ilıa Ochkın (69 kg) qola júldeni qanaǵat tutty.
Jastarymyzdy qurlyqtyq básekege jattyqtyrýshy Ǵalymbek Kenjebaev bastap bardy. Jalpy, chempıonatqa 16 eldiń boksshylary qatysty.
Dastan Kenjalın.
Derekkóz:www.kfb.kz
