Qala ákiminiń orynbasary Saıat Shaımurynovtyń aıtýynsha, monıtorıngtik toptar taıaý kúnderi reıd sharalaryn bastaıdy. Qala ákimdiginiń kásipkerlik bólimi ujymda vaksına qabyldaǵandardyń úlesi 60%-ǵa jetpeıtin kásiporyndardyń tizimin ázirlep qoıǵan. Monıtorıngtik top eń birinshi kezekte osy ujymdardy tekseredi.
– Qazirshe tek koronovırýs ınfeksııasyna qarsy vaksınanyń birinshi komponentiniń bar-joǵyn tekseremiz. Bizde jumysshylarynyń sany 50-den asatyn kásiporyndardyń tizimi bar. Bul tizimge engen nysandardaǵy ujymnyń jartysynan kóbi vaksınanyń birinshi komponentin almaǵan. Egý naýqany 1 qyrkúıekke deıin aıaqtalýy tıis edi. Bul týraly respýblıka kóleminde de jıi aıtyldy. Biraq áli de vaksına qabyldamaǵandar barshylyq, – dedi qala ákiminiń orynbasary.
Monıtorıngtik top tekserý barysynda eshkimge aıyppul salmaıdy. Eger vaksına qabyldamaǵandar bolsa, olarǵa bul adamzat balasynyń indetke qarsy jasaǵan saqtyq sharasy ekenin túsindirip, bir-eki apta ýaqyt beredi. Eger ujym ekinshi qaıtara tekserilgende vaksına saldyrmaǵandar taǵy tabylyp jatsa, kásiporyn basshysyna aıyppul salynady. Monıtorıng top ókilderiniń aıtýynsha, jumys berýshiler kásiporynǵa kelgen tekserýshilerge qaramaǵyndaǵy jumysshylardyń tolyq tizimin ustatýy tıis. Bul tizimde jumysshynyń aty-jóni men JSN-i, egilgeni nemese egilmegeni kórsetilýi kerek. Sondaı-aq ekpeden bosatylǵan jumysshylardyń tıisti qujattary da tolyq kórsetilýi shart.
Qostanaı oblysy
