Tehnıkalyq ashylýǵa qatysqan 9 pavılonnyń ishinde Qazaqstan pavılony kelýshiler sany boıynsha eń tanymalyna aınaldy. Alǵashqy 3 saǵattyń ózinde pavılonǵa 1,5 myńnan astam adam keldi. Kórme kezinde barlyǵy 1 mıllıonǵa jýyq adam keledi dep kútilip otyr.
Qonaqtar Qazaqstan pavılonymen «Preshoý» kirý aımaǵynan «DNQ kody – shejire» taqyrybymen tanysa bastady, onda túrli etnostardyń tarıhı baılanysy jáne Uly Dala kóshpendileriniń álem halqynyń genetıkasyna qosqan úlesi týraly baıandalady. Sondaı-aq, birinshi qabatta elimizdiń týrıstik áleýeti, kórkem landshaftary men tabıǵı resýrstary, baı tarıhy, mádenıeti men salt-dástúrleri kórsetilgen.
«Nur-Sultan qalasy – Eýrazııa júregi» aımaǵynda baspa jáne medıatehnologııalardy úılestiretin elordanyń biregeı joǵary tehnologııalyq panoramasy usynylǵan.
Ásirese, qonaqtar arasynda Brixel Mirror kınetıkalyq art-ınstallıasııasy ornalasqan future Now aımaǵy tanymal boldy. Bul sıfrlyq dıspleı retinde jumys isteıtin baǵdarlamalanǵan qozǵalmaly modýldik bloktardyń qabyrǵasy.
Osy aımaqta ınnovasııalyq qala qurylysy, jasandy ıntellekt, bolashaq mamandyqtary jáne t.b. taqyryptardy ashatyn Vision Machine ınstallıasııasy ornalasqan.
Sońynda kelýshiler 270 gradýs panoramalyq kınoteatry bar erekshe fınaldyq shoýdy kórdi. Aımaq kórmeniń «aqyl-oıdy biriktirip, bolashaqty jasaı otyryp» atty basty taqyrybyn beıneleıdi.
Pavılonda Qazaqstannan arnaıy daıyndalǵan stendter jumys isteıdi.
Dubai EXPO-2020 Búkilálemdik kórmesi aıasynda QR Ulttyq pavılony alańynda Qazaqstan Respýblıkasynyń resmı tulǵalarynyń, memlekettik organdar, memlekettik sektor, ulttyq kompanııalar men bıznes ókilderiniń qatysýymen 25-ke jýyq iskerlik is-shara ótkizý josparlanǵan.
Sondaı-aq iskerlik is-sharalar sheńberinde kórme kezeńinde konferensııalar, forýmdar, V2V-kezdesýler ótkiziledi, onyń ishinde eldiń ınvestısııalyq jáne týrıstik áleýeti boıynsha prezentasııalar, ǵylymı jáne bilim berý jobalary, kreatıvti sheshimder usynylady. Osy is-sharalardyń qorytyndysy boıynsha yntymaqtastyq týraly sharttar men kelisimderge qol qoıylady, bul óz kezeginde el ekonomıkasyn damytý úshin mýltıplıkatıvtik áserge qol jetkizýge múmkindik beredi.
