Sýret: sochi2014.com
● Oıyndardyń saltanatty ashylýyna 44 memlekettiń basshysy qatysty. Bul mólsher munyń aldyndaǵy Týrın men Vankýverdi qosyp eseptegende de kóp.
● Olımpıadaǵa 88 eldiń qurama komandalary sapynda 3 000 sportshy keldi. Bulardyń arasynda Eýropadan – 49, Azııadan – 18, Amerıkadan – 15, Afrıkadan – 3, Okeanııadan 3 el bar.
● Sharany ótkizýge 12 myń adam tartyldy. Olardyń arasynda 3 myń akter, 2 myń volonter boldy. Al sherý shebimen 88 eldiń 3,5 myń sportshysy júrip ótti.
● Dekorasııany jasaýǵa Reseıden bólek, AQSh, Kanada, Anglııa, Avstralııa, Gollandııa jáne Shvesııa elderiniń mamandary atsalysty.
● «Fısht» stadıonynda jalpy kólemi 8,5 myń sharshy metrden asatyn aýyspaly sahna jabdyqtalyp, oǵan 25 lıftilik kóterme men 18 jabyq lıýk qyzmet kórsetti.
● Saltanat kezinde jıyntyq qýaty 1 mln. vattqa teń barlyǵy 500 daýys kúsheıtkish iske qosyldy. Akterlik quram men tehnıkalyq personal 15 myńnan asa qulaqshaly portatıvti rasııalar arqyly jumys istedi.
● Arenany 2,64 mln. vattyq 132 qýatty projektor jaryqtandyryp turdy. Beınelerdi birden 140 televızııalyq kameralar túsirdi.
● Ashylý saltanaty ótken kúni Sochı áýejaıy óziniń jańa rekordyn jasap, 8,7 myńnan asa qonaqtar men sportshylarǵa qyzmet kórsetti. Bul kúni jalpy áýejaı qyzmetkerleri 11 360 jolaýshyny qabyldap aldy.
● Sochıdegi kelesi rekord bala týý kórsetkishi boıynsha tirkeldi. Aqpannyń 7-i kúni munda 34 náreste, sonyń ishinde 24 ul jáne 10 qyz dúnıege keldi.
● Osy kúni Kýban ólkesiniń ortalyǵy – Krasnodar qalasynda da jańa rekord jasaldy. Oıyndar ashylar mezette onda 100 jup saltanatty jaǵdaıda nekege turdy.
