Qoǵam • 15 Qazan, 2021

Sıfrly júıe iske qosylady

66 ret kórsetildi

Nur-Sultandaǵy EQYU baǵdarlamalar keńsesi, Qazaqstan Joǵarǵy soty jáne Quqyqtyq saıasatty zertteý ortalyǵy «COVID-19 pandemııasy kezinde sot tóreligine qol jetkizý» atty dóńgelek ústel otyrysyn uıymdastyrdy.

Jıynda Joǵarǵy sot sýdıasy Aslan Túkıev «Qazir azamattarǵa yńǵaıly bolý úshin «sıf­r­ly analıtıka» jáne «istiń nátıjesin bol­­jaý» servısterin ázirlep jatyrmyz. Ju­mys aıaqtalýǵa jaqyn, 2022 jyly bul ónim­der­di paıdalana alamyz», dedi. Onyń aıtýyn­sha, pandemııa jaǵdaıynda Qazaqstannyń sot jú­ıe­si isterdi qabyldaý men qaraýdy bir kúnge de toqtatpaǵan.

«Sot prosesin onlaın ótkizýdiń tıim­diligin synap kórdik. Kóptegen artyq­shylyqtary bar. Mysaly, zańgerler men advokattar basqa qalada, tipti demalys­ta júrse de bir kúnde 2-3 sot otyrysyna qatysa ala­dy. Pandemııa bizdiń ǵana emes, búkil qoǵam­nyń ádet­tegi ómir saltyn ózgertti. Sot júıe­sine de áserin tıgizbeı qoımady. Alaıda she­tel­dik áriptesterimizge qaraǵanda, karantın jaǵ­daıyna jáne týyndaǵan shekteýlerge qara­mas­tan, Qa­zaqstanda sot tóreligine qol jetkizý qu­qyǵy kóp jaǵdaıda qamtamasyz etildi. Biz isterdi qabyldaý men qaraýdy bir kúnge de toqtatqan joqpyz», dedi A.Túkıev.

De Facto advokattyq keńsesiniń basqarý­shy ­seriktesi Sergeı Sızınsevtiń aıtýyn­­sha, Jo­ǵarǵy sottyń saıty ındeks­­­teý, iz­deý jú­ıe­si, ta­qyryptyq bólimder, tegteý júıesi jáne jarııa­lanymdarynyń biryńǵaı bazasy bar ámbebap aqparattyq ortalyq bolýy tıis. «Jal­py, biz ózge­­risterge daıyn bol­dyq. Jańa jaǵ­daıda jumys tájirıbemiz bar. Bul qa­shyq­tan sot tóreligin júrgizýdi odan ári damy­tý boıynsha usynystar jasaýǵa múmkindik be­re­di», dedi S.Sızınsev.

Joǵarǵy sot usynǵan statıstıkaǵa sú­ıen­sek, 2018 jyly kún saıyn 40, 2019 jyly – 110, 2020 jylǵy naýryzǵa deıin – 150 onlaın otyrys ótti. Al 2020 jylǵy tótenshe jaǵdaı jarııalanǵan alǵashqy aptada sottarda kún saıyn bir myń is onlaın formatta qa­ral­ǵan. О́tken jyldyń sáýir aıynda kún saıyn qaralǵan onlaın-otyrystyń sany 4,5 myńǵa jetip, barlyq sot otyrystarynyń 95%-y beınebaılanys rejiminde, WhatsApp, Skype, Zoom sııaqty platformalardy paıdalana otyryp ótkizilgen.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar