Qoǵam • 18 Qazan, 2021

Elimizde ruqsat etilmegen 106 turaq jabyldy

66 ret kórsetildi

Bul týraly IIM resmı ókili Nurdildá Oraz mınıstrliktiń dástúrli brıfınginde aıtty, dep jazady Egemen.kz.

«Elimizde 4-13 qazan aralyǵynda «Avtobýs» jedel aldyn alý is-sharasy ótkizildi. Onyń maqsaty - jolaýshylar kóliginiń qatysýymen bolatyn jol-kólik oqıǵalaryn azaıtý, sondaı-aq júrgizýshilerdiń tasymaldaý erejelerin saqtaýyna baqylaýdy kúsheıtý. Polısııa qyzmetkerleri kóliktik baqylaý, memlekettik kirister organdarynyń qyzmetkerlerimen birge avtokólik kásiporyndary men jolaýshylar tasymalymen aınalysatyn kásipkerlerdi tekserdi», dedi Nurdildá Oraz.

Onyń aıtýynsha, avtobýstardyń tehnıkalyq jaǵdaıyna jáne júrgizýshilerdiń jol qozǵalysy erejelerin saqtaýyna erekshe nazar aýdaryldy.

«Operasııanyń 10 kúninde qoǵamdyq kólik júrgizýshileri tarapynan jasalǵan 22 myńnan astam (22 326) jol qozǵalysy erejelerin buzýshylyq, onyń ishinde kólikti mas kúıinde basqarýdyń 26 faktisi, qarsy jolaqqa shyǵýdyń 45, manevr jasaý erejelerin buzýdyń 4,5 myń faktisi anyqtaldy»,  dedi ol.

Nurdildá Oraz jyldamdyq rejımin asyrǵany úshin 402 júrgizýshi jaýapkershilikke tartylǵanyn aıtty.

«Sondaı-aq zańsyz qaıta jabdyqtaýdyń 900 faktisi, reıs aldyndaǵy tekserýden ótpeýdiń 341 faktisi, tehnıkalyq baıqaýdan ótpeýdiń 1 845 faktisi, rólde otyryp telefon paıdalanýdyń 4,5 myńnan astam (4 562) faktisi tirkeldi. Jolaýshylardy zańsyz tasymaldaýdyń 308 faktisi anyqtaldy. Avtobýs parkteriniń 194 laýazymdy tulǵasy ákimshilik jaýapkershilikke tartyldy. 106 ruqsat etilmegen turaq jabyldy», dedi ol.

Uqsas jańalyqtar