Úsh raýnd boıy klassıkalyq stılde judyryqtasqan Sáken bul kúni Hasanbaı Dýsmatovty erkin utty. Azýly qarsylasynan aılasyn asyrǵan qazaq sańlaǵy álem chempıonatyna tyńǵylyqty daıyndalyp kelgenin aıtty. «Álemdik dodaǵa barymdy salyp daıyndaldym. Tokıoda buıyrmaǵan altyn medaldi osy dodada alǵym keledi. Sondyqtan da Belgradqa tek altyn júlde úshin kelgen jaıym bar. Jekpe-jekte jeńiske jetýim úshin barlyq jaǵdaıdy jasaǵan jattyqtyrýshylarǵa alǵysymdy bildiremin», dedi ol.
Sákennen bólek 75 kılogramm salmaqta synǵa túken Nurqanat Raıys ta birinshi kezdesýin jeńispen aıaqtady. Ol chernogorııalyq Stefan Savkovıchti eline qaıtardy. Ázirge rıngke shyqqan tórt boksshymyzdyń da upaıy túgel. Birinshi bolyp jeńisti joryqty Serik Temirjanov (57 kılogramm), Abylaıhan Júsipov (67 kılogramm) bastaǵan bolatyn.
