Tilderdi damytý basqarmasynyń bas mamany Baqytgúl Súleımenovanyń aıtýynsha, atalǵan sharany ótkizýdegi basty maqsat – Ybyraı shyǵarmalary arqyly óńir jastarynyń kórkemsóz oqý sheberligin, sóıleý mádenıetin jetildirý. Sondaı-aq ádebıet pen ónerge qushtar daryndy jastardy yntalandyrý.
Baıqaý barysynda úmitkerler úsh kezeń boıynsha bilimderin synap kórdi. «Meniń pirim – Ybyraı» atty birinshi kezeńde qatysýshylar uly aǵartýshyǵa arnaǵan arnaý óleńderin oqydy. Odan keıin ekrandaǵy uıashyqtardy tańdaý arqyly Ybyraı Altynsarınniń sońǵy úlgidegi latyn grafıkasyna túsirilgen shyǵarmasynan úzindi oqyp berdi. Al úshinshi kezeńge ótkender Ybyraı atamyzdyń óleńderin kórkem tilmen mánerlep oqyp shyqty.
Baıqaý qorytyndysy boıynsha «Meniń pirim – Ybyraı» atalymyn Qostanaı qalasynyń №14 mektebiniń muǵalimi A.Amanbaeva, «Altynsarın murasynyń bilgiri» atalymyn Arqalyqtaǵy №2 ámbebap ǵylymı kitaphanasynyń qyzmetkeri E.Áýezhan, «Ybyraıdy oqımyn da toqımyn» atalymyn Meńdiqara aýdandyq tilderdi oqytý ortalyǵynyń oqytýshysy I.Mýsınov jeńip aldy. Sondaı-aq qazylar alqasynyń sheshimimen Arqalyq qalasy B.Maılın atyndaǵy №3 mekteptiń muǵalimi A.Sálimjan birinshi oryndy, Qostanaıdaǵy Ybyraı Altynsarın memorıaldyq mýzeıiniń bólim meńgerýshisi S.Myrzabaı ekinshi oryndy ıelense, Sarykól aýdanynyń Ýrısk mektep-lıseıiniń muǵalimi E.О́mirtaı júldeli úshinshi oryndy qanaǵat tutty.
Qostanaı oblysy
