Qalalyq Polısııa basqarmasy baspasóz qyzmetiniń málimetine súıensek, oqıǵa shahardyń sol jaǵalaýynda ornalasqan temirjol tuıyǵynda bolǵan. «Polısııaǵa qońyraý shalǵan azamat kómir kezeginde turǵan júrgizýshilerdiń biri kólik jolyn jaýyp tastap, ózin-ózi órtep jiberetindigin aıtyp qorqytqany týraly jetkizdi. Sol jerge jetken tártip saqshylary qolyna kanıstr ustaǵan er adamdy kórgen», delingen habarlamada.
Sońynan anyqtalǵandaı, ol – Ulan aýdanynyń turǵyny. Birneshe kún kómir kezeginde turǵan.
«Polıseıler er adamnan kanıstrdi tartyp alyp, sabyrǵa shaqyrdy. Jergilikti atqarýshy organ ókilderi men satýshy kompanııa oǵan kómirdi kezeksiz berý jaıly usynys jasady. Kezekte turǵan basqa azamattar buǵan qarsy bolǵan joq», delingen aqparatta.
Sondaı-aq joldy jaýyp, basqa kólikterdiń júrýine kedergi keltirgeni úshin Ulan aýdanynyń turǵynyna 10 AEK (1 AEK – 2917 teńge) kóleminde aıyppul salyndy.
