«Jańa kásiporyndarǵa kelsek, 2025 jylǵa qaraı 72 iri kásiporyn, onyń ishinde 66 metallýrgııa, 3 hımııa jáne 3 sement zaýytyn salý josparlanýda. Ol kásiporyndar boıynsha keshendi ekologııalyq saraptama júrgiziledi. Eń ozyq, qoljetimdi tehnologııalardy qoldanyp jáne belgilengen barlyq ekologııalyq talaptardy saqtaı otyryp, olardyń qurylysy qamtamasyz etiledi», dedi Qaıyrbek О́skenbaev.
Sondaı-aq, ol ekologııalyq taza kólik óndirisin damytý úshin Saran jáne Almaty qalalarynda YUTONG, Golden Dragon elektr avtobýstary, Qostanaı qalasynda JAC iEV7s elektromobıli óndirile bastaǵanyn atady.
«Budan basqa, 2022 jyldan bastap Hyundai Ioniq elektromobılderi, 2023 jyldan bastap KIA EV6 óndirisi bastalady. Elektromobılder men elektr avtobýstary ınfraqurylymyn qurý úshin Nur-Sultan, Almaty jáne Pavlodar qalalarynda 110 elektr zarıadtaý stansııalary ornatyldy. Elektr tartymdy avtomobılderdi satyp alýdy yntalandyrý úshin Qazaqstanda elektromobılderdiń ıeleri kólik salyǵyn tóleýden bosatyldy», dedi mınıstrdiń birinshi orynbasary.
